Hałoŭnaja trenierka zbornaj Rasii pa mastackaj himnastycy idzie ŭ adstaŭku. Raniej ŚMI paviedamili pra jaje kanflikt z Alinaj Kabajevaj
Hałoŭnaja trenierka zbornaj RF pa mastackaj himnastycy Iryna Vinier abviaściła pra adstaŭku. Raniej BBC raspaviadała pra jaje kanflikt z byłoj vučanicaj, a ciapier trenierkaj, a taksama imaviernaj paluboŭnicaj Pucina Alinaj Kabajevaj.
«Mastackaja himnastyka — heta majo žyćcio, i ja ščaślivaja, što zmahła zrabić svoj uniosak u raźvićcio hetaha cudoŭnaha vidu sportu. Adnak ja pryniała rašeńnie syści ŭ adstaŭku», — havorycca ŭ zajavie trenierki.
Vinier nie ŭdakładniła pryčynu adstaŭki. Jana dadała, što pierad joj staić «novaja, nie mienš važnaja zadača — nie prosta vychoŭvać čempijonaŭ, a pieradavać nazapašany vopyt trenieram, jakija buduć rychtavać budučyja pakaleńni zorak».
U kancy studzienia Ruskaja słužba Bi-bi-si raspaviadała pra kanflikt Vinier z himnastkaj Alinaj Kabajevaj.
Kabajeva, adna z samych zakrytych ad hramadstva pradstaŭnikoŭ rasijskaj elity, u apošnija miesiacy viarnułasia ŭ publičnaje pole. Byłaja spartsmienka, jakuju nazyvajuć spadarožnicaj prezidenta Rasii Uładzimira Pucina, aktyŭna raźvivaje svaju akademiju mastackaj himnastyki «Niabiesnaja hracyja».
Akademii Kabajevaj dazvolili zaćviardžać svoj ułasny kalandar spabornictvaŭ, pravodzić turniry pa svaich praviłach i pa svaim mierkavańni ŭznaharodžvać vučniaŭ i trenieraŭ spartyŭnymi zvańniami. Akramia taho, jaje spartsmienki mohuć udzielničać u spabornictvach asobna ad nacyjanalnych fiederacyj i vyjazdžać na turniry ŭ Jeŭropu. «Takich paŭnamoctvaŭ niama ni ŭ adnoj spartyŭnaj škoły krainy», — adznačajuć aŭtary materyjału.
Praca akademii, miarkujučy pa ŭsim, stała pryčynaj kanfliktu Kabajevoj ź Vinier, jakaja bolš za 20 hadoŭ vyznačała los rasijskaj mastackaj himnastyki i zrabiła zorku z Kabajevaj, piša VVS.
Ciapier čytajuć
Miedsiastra ź Lepiela zakachałasia ŭ rasijskaha vajskoŭca i pajechała najomnicaj na front va Ukrainu12
Kamientary