Siońnia kala 3-j hadziny nočy aŭtobus, u jakim znachodzilisia 26 pasažyraŭ, na pavarocie pierakuliŭsia i zvaliŭsia ŭ kiuviet. Trochi paźniej u aŭtamabil pažarnaj słužby, jaki prybyŭ dla akazańnia dapamohi, urezałasia fura.
Jak paviedamiŭ u efiry TVPinfo Piotr Aŭčarski, pres-sakratar vajavodskaj stancyi chutkaj dapamohi «Miedyrans», siarod paciarpiełych u aŭtobusie pieravažna hramadzianie Ukrainy, ale taksama jość adzin biełarus i adzin ispaniec, piša Reform.news.
«Kančatkovy vynik abiedźviuch avaryj — 17 čałaviek atrymali traŭmy, dvoje ź ich u ciažkim stanie. Kali kazać pra paciarpiełych, to havorka idzie pra aŭtobus — heta 15 čałaviek. Siarod paciarpiełych pieravažna hramadzianie Ukrainy, a taksama hramadzianin Biełarusi i hramadzianin Ispanii va ŭzroście ad 17 da 59 hadoŭ. Taksama paciarpieli try čałavieki polskaj nacyjanalnaści, u tym liku pažarny z dobraachvotnaj pažarnaj častki «Davidy» i 48-hadovy vadziciel hruzavika, taksama hramadzianin Ukrainy», — skazaŭ jon.
Pavodle jaho słoŭ, u paciarpiełych dyjahnastavany traŭmy hałavy, hrudnoj kletki, vierchnich i nižnich kaniečnaściej. U bolšaści vypadkaŭ jany nie ŭjaŭlajuć pahrozy dla žyćcia. Dva čałavieki znachodziacca ŭ ciažkim stanie, adzin ź ich — pasažyr aŭtobusa. Lekary robiać usio mahčymaje, kab palepšyć ich stan.
Piotr Aŭčarski taksama paviedamiŭ, što kabina fury była mocna paškodžanaja. Kiroŭcu dastali ź jaje z dapamohaj hidraŭličnaha abstalavańnia. U pažarnaj mašynie, akramia kiroŭcy, u momant sutyknieńnia znachodziŭsia jašče adzin ratavalnik, jaki pieraapranaŭsia.
Ciapier čytajuć
Były vykładčyk Iniaza pierajšoŭ na biełaruskuju ŭ emihracyi. Jon razvažaje pra los univiersiteta, biełarusaŭ za miažoj i adroźnieńnie nas ad palakaŭ3
Kamientary