Apošniaja 25-ja stužka franšyzy «Nie čas pamirać» vyjšła ŭ 2021 hodzie i stała finalnym filmam dla Denieła Krejha ŭ roli Bonda. Z taho času fanaty i krytyki hadajuć, chto stanie novym ahientam 007.
Barbara Brokali i Majkł Uiłsan, jakija šmat hadoŭ zajmalisia pradziusavańniem filmaŭ pra Džejmsa Bonda, pieradali kreatyŭny kantrol nad franšyzaj Amazon MGM Studios, piša Bi-bi-si
Amazon MGM Studios — kampanija, što ŭźnikła paśla nabyćcia kinastudyi MGM technałahičnym hihantam Amazon u 2022 hodzie. Ciapier mienavita jana budzie mieć poŭny kantrol nad tym, chto syhraje lehiendarnaha ahienta 007 u novych filmach.
Adnak na hety momant niama nijakaj infarmacyi pra toje, kali nazavuć novaha akciora abo kali pačnucca zdymki čarhovaha filma.
Apošniaja, 25-ja stužka franšyzy, «Nie čas pamirać», vyjšła ŭ 2021 hodzie i stała finalnym filmam dla Denieła Krejha ŭ roli Bonda. Z taho času fanaty i krytyki hadajuć, chto stanie novym ahientam 007.
Barbara Brokali i Majkł Uiłsan — dačka i pryjomny syn pieršaha pradziusara franšyzy Albierta «Kebi» Brokali — zastanucca suŭładalnikami prajekta.
«Paśla amal 60 nievierahodnych hadoŭ pracy nad ahientam 007 ja adychodžu ad pradziusavańnia filmaŭ pra Džejmsa Bonda, kab zasiarodzicca na mastactvie i dabračynnych prajektach», — havorycca ŭ zajavie 83-hadovaha Uiłsana.
64-hadovaja Brokali taksama zajaviła, što dla jaje nastaŭ čas zaniacca inšymi spravami.
«Dla nas vialiki honar praciahvać hetu kaštoŭnuju spadčynu, i my ź nieciarpieńniem čakajem mahčymaści pradstavić novuju fazu lehiendarnaha ahienta 007 hledačam va ŭsim śviecie», — adznačyŭ kiraŭnik Prime Video Amazon MGM Studios Majk Chopkins.
U minułym hodzie Amazon užo zapuściŭ realici-šou «007: Daroha da miljona», pieršy aficyjny śpin-of filmaŭ pra Džejmsa Bonda.
Albiert Brokali zapuściŭ lehiendarnuju franšyzu ŭ 1962 hodzie razam z pradziusaram Hery Zalcmanam. Majkł Uiłsan dałučyŭsia da pracy nad filmam «Vid na zabojstva» ŭ 1985 hodzie, a Barbara Brokali stała pradziusaram franšyzy ź filma «Załatoje voka» ŭ 1995 hodzie.
Z taho času Uiłsan i Brokali całkam kantralavali vytvorčaść filmaŭ pra Bonda, ale ciapier franšyza aficyjna pierachodzić pad kryło Amazon.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii31
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4343
Kamientary