Prezident ZŠA Donald Tramp zajaviŭ, što z 4 sakavika zapracujuć 25-pracentnyja taryfy na tavary z Kanady i Mieksiki, a taksama buduć uviedzienyja dadatkovyja 10-pracentnyja taryfy na impart z Kitaja. Pra heta jon napisaŭ na svajoj staroncy ŭ Truth Social.
Pavodle słoŭ amierykanskaha lidara, ź Mieksiki i Kanady ŭ ZŠA praciahvajuć pastupać narkotyki «ŭ vielmi vysokich i nieprymalnych kolkaściach», značnaja častka jakich vyrablajecca i pastaŭlajecca z Kitaja.
Tramp padkreśliŭ, što letaś ad hetych narkotykaŭ pamierli bolš za 100 tysiač čałaviek, a za apošnija 20 hadoŭ zahinuli «miljony ludziej».
«My nie možam dapuścić, kab hetaje biedstva praciahvała nanosić škodu ZŠA, i tamu, pakul jano nie spynicca ci nie budzie surjozna abmiežavana, prapanavanyja taryfy, zapłanavanyja na 4 sakavika, sapraŭdy ŭstupiać u siłu, jak i było zapłanavana», — napisaŭ Tramp.
Infarmacyja, što administracyja Trampa pryniała rašeńnie ŭvieści vysokija myty suprać svaich dvuch najbližejšych susiedziaŭ na poŭnačy i poŭdni, a taksama Kitaja, źjaviłasia 31 studzienia. Paśla razmoŭ z kiraŭnictvam hetych krain, adnak, było pryniata rašeńnie adkłaści ŭviadzieńnie hetych mieraŭ na miesiac.
Tramp pačaŭ handlovuju vajnu z Kanadaj, Mieksikaj i Kitajem
Z 1 lutaha ZŠA ŭvodziać vysokija myty suprać tavaraŭ z Kitaja, Kanady i Mieksiki
«Biez našaj padtrymki kraina pierastanie isnavać». Tramp znoŭ prapanavaŭ, kab Kanada stała 51-m štatam ZŠA
Kitaj adkazaŭ svaimi pošlinami na handlovyja miery ZŠA
ZŠA adkładajuć sankcyi suprać Kanady na miesiac
ZŠA na miesiac prypyniać uviadzieńnie mytaŭ na mieksikanskija tavary
Ciapier čytajuć
Šeść faktaŭ pra Andreja Švieda — byłoha hienprakurora, jaki ciapier staŭ staršynioj Viarchoŭnaha suda4
Kamientary