«Biez našaj padtrymki kraina pierastanie isnavać». Tramp znoŭ prapanavaŭ, kab Kanada stała 51-m štatam ZŠA
Prezident ZŠA zajaviŭ, što Vašynhton uvieś hety čas biespryčynna subsidavaŭ Kanadu. Ale ciapier hetamu pryjšoŭ kaniec.
Prezident ZŠA Donald Tramp znoŭ prapanavaŭ Kanadzie stać 51-m štatam ZŠA. Tramp zajaviŭ, što biez subsidyj ad Vašynhtona Kanada nie moža isnavać jak žyćciazdolnaja dziaržava.
«My płacim sotni miljardaŭ dołaraŭ na subsidavańnie Kanady. Navošta? Nijakaj pryčyny niama. Nam ničoha ad ich nie treba. U nas nieabmiežavanyja zapasy enierhii, my pavinny vyrablać ułasnyja aŭtamabili i majem bolš draŭniny, čym možam vykarystać. Biez hetaj vielizarnaj subsidyi Kanada pierastanie isnavać jak žyćciazdolnaja kraina. Žorstka, ale praŭda!
Tamu Kanada pavinna stać našym darahim 51-m štatam. Značna nižejšyja padatki i značna lepšaja vajskovaja abarona dla žycharoŭ Kanady — i nijakich myt!» — napisaŭ Tramp u Truth Social.
Tramp raniej padpisaŭ ukaz ab pošlinach na tavary z Kanady, Kitaja i Mieksiki. Dla KNR staŭka składzie 10%, dla Mieksiki — 25%, dla Kanady — 10% na enierharesursy i 25% na astatni impart. Joje rastłumačyŭ rašeńnie nieabchodnaściu baraćby ź nielehalnaj imihracyjaj i narkahandlem, u pryvatnaści pastaŭkami fientaniłu ŭ ZŠA.
U svaju čarhu premjer-ministr Kanady Džaścin Trudo ŭ adkaz abviaściŭ ab maštabnych taryfach u pamiery 25%, jakija zakranuć amierykanskija tavary koštam 155 młrd dalaraŭ.
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary