Paśla kanfliktu ŭ Biełym domie były sajuźnik Ukrainy, sienatar Lindsi Hrem, rezka źmianiŭ rytoryku i zajaviŭ, što nie viedaje, ci zmoža administracyja Trampa «znoŭ mieć spravu ź Zialenskim». Jon zaklikaŭ ukrainskaha lidara albo źmianicca, albo sastupić miesca prezidenta inšamu. Uładzimira Zialenskaha paprasili heta prakamientavać.
Paśla sustrečy ŭ Biełym domie prezidentaŭ Ukrainy i ZŠA sienatar Hrem zaklikaŭ Zialenskaha paprasić prabačeńnia.
«Tramp byŭ vielmi pazityŭny, jon chacieŭ damahčysia spynieńnia ahniu. A Zialenski čamuści vyrašyŭ spračacca z Trampam prosta ŭ Avalnym kabiniecie. Vice-prezident Džej Dzi Vens byŭ prosta cudoŭny. Heta stračanaja mahčymaść. Zialenski albo źmienicca, albo sydzie», — skazaŭ palityk paśla sustrečy Trampa i Zialenskaha ŭ Biełym domie.
Zialenskaha paprasili prakamientavać słovy niekali praŭkrainskaha sienatara.
Prezident Ukrainy skazaŭ, što moh by prapanavać Hremu ŭkrainskaje hramadzianstva, i tolki tady jaho prapanovy z hetaj nahody «nabyli b vahu». Ale pakul prezidenta Ukrainy pa-raniejšamu buduć vybirać tolki ŭkraincy, skazaŭ jon.
U inšaj razmovie jon dadaŭ, što byŭ by hatovy abmianiać svajo prezidenctva na siabroŭstva Ukrainy ŭ NATA, što, jak jon paŭtaryŭ, stała b lepšaj harantyjaj biaśpieki dla krainy.
Ciapier čytajuć
U Minsku pradajuć dom na vadzie. Kolki prosiać za niezvyčajny abjekt na Čyžoŭskim vadaschoviščy?3
Kamientary