Пасля канфлікту ў Белым доме былы саюзнік Украіны, сенатар Ліндсі Грэм, рэзка змяніў рыторыку і заявіў, што не ведае, ці зможа адміністрацыя Трампа «зноў мець справу з Зяленскім». Ён заклікаў украінскага лідара альбо змяніцца, альбо саступіць месца прэзідэнта іншаму. Уладзіміра Зяленскага папрасілі гэта пракаментаваць.
Пасля сустрэчы ў Белым доме прэзідэнтаў Украіны і ЗША сенатар Грэм заклікаў Зяленскага папрасіць прабачэння.
«Трамп быў вельмі пазітыўны, ён хацеў дамагчыся спынення агню. А Зяленскі чамусьці вырашыў спрачацца з Трампам проста ў Авальным кабінеце. Віцэ-прэзідэнт Джэй Дзі Вэнс быў проста цудоўны. Гэта страчаная магчымасць. Зяленскі альбо зменіцца, альбо сыдзе», — сказаў палітык пасля сустрэчы Трампа і Зяленскага ў Белым доме.
Зяленскага папрасілі пракаментаваць словы некалі праўкраінскага сенатара.
Прэзідэнт Украіны сказаў, што мог бы прапанаваць Грэму ўкраінскае грамадзянства, і толькі тады яго прапановы з гэтай нагоды «набылі б вагу». Але пакуль прэзідэнта Украіны па-ранейшаму будуць выбіраць толькі ўкраінцы, сказаў ён.
У іншай размове ён дадаў, што быў бы гатовы абмяняць сваё прэзідэнцтва на сяброўства Украіны ў НАТА, што, як ён паўтарыў, стала б лепшай гарантыяй бяспекі для краіны.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос22
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары