Žychara Kobryna ź invalidnaściu pryhavaryli da 4,5 hod kałonii
Sud pa spravie Alaksandra Kraŭčuka prajšoŭ u kastryčniku 2024 hoda, ale pra jaho vynik stała viadoma tolki ciapier — sa śpisa palitźniavolenych.
Brescki abłasny sud pryhavaryŭ Kraŭčuka da 4,5 hod kałonii. Abvinavacili jaho ŭ spryjańni «ekstremisckaj dziejnaści» (art. 361-4 KK), piša «Viasna». Sutnaść spravy suprać žychara Kobryna nieviadomaja.
27 lutaha 2025 hoda pravaabaroncy pryznali mužčynu palitźniavolenym.
U studzieni Kraŭčuka dadali da «śpisu ekstremistaŭ».
U 2016 hodzie ŭ mašynie Alaksandra Kraŭčuka vybuchnuŭ hazavy bałon — mužčynu adarvała nahu. Paśla hetaha jon niaspynna zmahaŭsia ź biełaruskimi čynoŭnikami, sprabujučy vyśvietlić, chto adkaža za vybuch bałona.
Taksama jon damahaŭsia viartańnia ilhotnaha padatku na karystańnie ziamloj dla invalidaŭ. Za hod za 13 sotak pad haražy jon musiŭ płacić dźvie svaje piensii. Pradać, pa jaho słovach, ich nie vychodziła — pakupnikoŭ nie było.
Damahaŭsia i pracy dla siabie z dastojnaj apłataj, dachodziŭ da ministraŭ. Apošnim viadomym miescam pracy mužčyny była Kobrynskaja vieterynarnaja stancyja, ale adtul jon 25 sakavika 2021 hoda pajšoŭ u stačku.
Kamientary