Maryn Lo Pen raskrytykavała prypynieńnie amierykanskaj vajskovaj dapamohi Ukrainie
«Ja liču, što biescyrymonnaść hetaha rašeńnia padlahaje asudžeńniu. Heta vielmi žorstka ŭ dačynieńni da ŭkrainskich žaŭnieraŭ, jakija viaduć patryjatyčnuju abaronu svajoj krainy», — zajaviła byłaja kiraŭnica krajnie pravaj partyi «Nacyjanalnaje abjadnańnie» Maryn Lo Pen u intervju haziecie Le Figaro.
«Nichto nie moža prymusić Złučanyja Štaty praciahvać ich padtrymku, kali jany hetaha nie žadajuć», — pryznała francuzski palityk. Adnak Vašynhton, na jaje dumku, pavinien byŭ dać Kijevu «razumny termin» na pierabudovu.
Lo Pen u minułym była viadomaja svajoj prarasijskaj pazicyjaj. Adnak jana paśladoŭna pravodziła kurs na źmiakčeńnie raniejšych pazicyj svajoj partyi pa mnohich pytańniach, i Nacyjanalnaje abjadnańnie navat paźbiahaje razmoŭ pra ahulnaść svaich pohladaŭ z Trampam. A nastupnik i prateže Lo Pen na pasadzie kiraŭnika partyi Žardan Bardeła zajmaje, va ŭsiakim vypadku na słovach, navat bolš praŭkrainskuju pazicyju.
U toj ža čas Nacyjanalnaje abjadnańnie kateharyčna vystupaje suprać pryjomu Ukrainy ŭ NATA i Jeŭrasajuz. U niadaŭnim vystupleńni ŭ parłamiencie krainy taja ž Lo Pen zajaviła:
«My nie možam dać Ukrainie siabroŭstva ŭ NATA. Jaje ŭstupleńnie ŭ Jeŭrasajuz taksama supiarečyć našym intaresam i budzie kaštavać Francyi sotni miljardaŭ».
Partyja Lo Pen zachoŭvaje vysokija šancy atrymać šmat hałasoŭ na daterminovych parłamienckich vybarach, jakija, vierahodna, projduć u Francyi ŭ hetym hodzie. U jaje samoj, jak ličycca, u 2027 hodzie taksama buduć niadrennyja šancy na pieramohu na prezidenckich vybarach.
Stała viadoma, kaho brytancy ličać vinavatym u svarcy Zialenskaha z Trampam
Paŭza ci kaniec? Što aznačaje rašeńnie ZŠA prypynić dapamohu Ukrainie
Mask užo prapanuje Zialenskamu «amnistyju ŭ niejtralnaj krainie» ŭ abmien na «adnaŭleńnie demakratyi» va Ukrainie
Jeŭrasajuz płanuje pašyryć biudžet na abaronu i dapamohu Ukrainie. Daradca pa palitycy ES tłumačyć jak
Tramp prypyniŭ usiu vajskovuju dapamohu Ukrainie
Viktar Łukašenka zaśviaciŭ na pasiadžeńni NAK svoj hadzińnik — ciažki luks30
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2222
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki22
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary
Ale ZŠA my asudžaje! Mała času dali na źmienu.