Parašenka: Maja kamanda «publična i prazrysta» pracuje z uładami ZŠA
Adnak kamanda eks-prezidenta Ukrainy vystupaje suprać praviadzieńnia vybaraŭ va ŭmovach bajavych dziejańniaŭ.
Eks-prezident Ukrainy Piatro Parašenka zajaviŭ, što jaho kamanda «publična i prazrysta» pracuje z uładami ZŠA, piša RBK.
Raniej Politico paviedamiła pra «tajnyja pieramovy» administracyi Trampa z partyjaj Parašenki «Jeŭrapiejskaja salidarnaść» i eks-premjerkaj Julijaj Cimašenkaj.
«Sutnaść našych razmoŭ z pradstaŭnikami amierykanskaha boku zaŭsiody zvodzicca da dvuch pryncypaŭ: «biaśpieka pieradusim, a mir — praź siłu», — zajaviŭ Parašenka.
Jon padkreśliŭ, što adsutnaść naležnaj kamunikacyi pamiž ciapierašnimi ŭładami Ukrainy i administracyjaj ZŠA stvaraje «ryzyku dla dziaržavy».
Kamanda Parašenki vystupaje suprać praviadzieńnia vybaraŭ va ŭmovach bajavych dziejańniaŭ.
Hałasavańnie mahčyma tolki paśla spynieńnia ahniu i mirnaha pahadnieńnia z harantyjami biaśpieki, — zajaviŭ eks-prezident.
Cimašenka padzialaje hetuju pazicyju: «Da taho momantu [dasiahnieńnia miru], i ja kazała pra heta nieadnarazova, pra praviadzieńnie vybaraŭ va Ukrainie nie moža być i havorki».
Cimašenka taksama zajaviła, što jaje partyja «Baćkaŭščyna» supracoŭničaje z usimi sajuźnikami Kijeva, kab dapamahčy dasiahnuć «spraviadlivaha miru».
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary
Vot by putiara obradovałsia.