Duchoŭnik patryjarcha Maskoŭskaha i ŭsiaje Rusi Kiryła Ilij pamior na 94-m hodzie žyćcia, paviedamiŭ Telegram-kanał «Monastyŕ Optina pustyń».
Schiarchimandryt Ilij (u śviecie Alaksiej Nozdryn) naradziŭsia ŭ 1932 hodzie. Pačynaŭ navučańnie ŭ Sarataŭskaj sieminaryi, a kali ŭ 1961 hodzie jaje zakryli, pajšoŭ praciahvać adukacyju spačatku ŭ Leninhradskuju duchoŭnuju sieminaryju, potym u akademiju.
U kancy 1980-ch jaho nakiravali duchoŭnikam u Opcinu pustyń, jakuju jakraz tady adnaŭlali paśla 65-hadovaha zapuścieńnia. Tam pryniaŭ postryh u vialikuju schimu ź imiem Ilij i 20 hadoŭ zajmaŭsia adnaŭleńniem starečaha słužeńnia, jakoje zaŭsiody składała słavu hetaha manastyra.
U 2009 hodzie pasialiŭsia na Patryjaršym padvorku Troica-Sierhijevaj łaŭry ŭ padmaskoŭnym pasiołku Pieradziełkina. U krasaviku 2024 hoda atrymaŭ błahasłaŭleńnie patryjarcha Kiryła na viartańnie ŭ Opcinu pustyń, dzie Ilij i pamior, piša «Sputnik».
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary