U Minsku startavaŭ siezon arendy elektrasamakataŭ. A što z cenami?
Siezon kikšerynhu adkryli apieratary: rasijski Whoosh i biełaruski raspracoŭščyk elektrasamakataŭ i softu Eleven.
Štochvilinnaja apłata za arendu elektrasamakataŭ składaje ŭ Whoosh 32 kapiejki za chvilinu, u Eleven — 33 kapiejki. Start pajezdki ŭ abodvuch apierataraŭ abyjdziecca ŭ 2 rubli.
Ale jon budzie biaspłatnym, kali aformić padpisku. U Whoosh hetaja pasłuha na 7 dzion budzie kaštavać 7 rubloŭ, na 30 dzion — 19 rubloŭ. A voś u Eleven padpiska vyjdzie tańniej: za 7 dzion treba zapłacić 3,99 rubla, za 30 dzion — 9,99 rubla.
Zatoje rasijski apieratar Whoosh prapanuje pakiety chvilin. Naprykład, kali brać pryładu ŭ arendu na sutki, za 20 chvilin treba addać 5,9 rubla, za 30 chvilin — 8,6 rubla. A voś u pakiecie pasłuh na tydzień kožnuju hadzinu abyjdziecca ŭ 16,7 rubla. Start va ŭsich pakietach składzie 80 kapiejek.
U kancy minułaha hoda rasijskaja kampanija «MTS Jurent» kupiła intelektualnuju ŭłasnaść i raspracoŭki Eleven u śfiery mikramabilnaha transpartu za $9,6 młn. Raniejšyja ŭładalniki Eleven faktyčna stali partniorami MTS.
Eleven apošnim čas aktyŭna pašyraje hieahrafiju kikšerynhu ŭ krainie. U Breście paśla 4-hadovaha pierapynku zapuścili servis arendy elektrasamakataŭ, niadaŭna jon adkryŭsia i ŭ Homieli.
Kamientary