Režysior «Adzin doma» zajaviŭ, što chacieŭ by, kab u filmie nie było sceny z Trampam
Krys Kałambus kaža, što epizod ź ciapierašnim prezidentam ZŠA Donaldam Trampam staŭ dla jaho «praklonam» i jon škaduje, što hetaja scena naohuł isnuje.
Režysior filma «Adzin doma» Krys Kałambus pryznaŭsia, što ŭdzieł Donalda Trampa ŭ karcinie staŭ dla jaho ciažaram. «Dla mianie heta stała jakaram na šyi. Škada, što jaje niemahčyma prosta ścierci», — zajaviŭ režysior.
Padčas zdymak u 1992 hodzie Tramp vałodaŭ hatelem Plaza ŭ Ńju-Jorku i pastaviŭ umovu: dazvolić zdymać u hateli tolki ŭ abmien na jaho ŭdzieł u filmie. Kałambus pahadziŭsia, bo nie moh adnavić interjer hatela na studyi. Choć pieršapačatkova režysior płanavaŭ vydalić scenu, pazityŭnaja reakcyja hledačoŭ na testavych pakazach prymusiła jaho pakinuć jaje ŭ filmie.
Ź ciaham času, asabliva paśla pačatku palityčnaj karjery Trampa, Kałambus pačaŭ škadavać pra heta rašeńnie. Jon adznačyŭ, što scena stała «praklonam» dla jaho.
Tramp, u svaju čarhu, admaŭlaje, što prymušaŭ režysiora da svajho ŭdziełu, śćviardžajučy, što jaho «prasili» źniacca ŭ filmie.
Niahledziačy na sprečki, film staŭ kłasikaj kaladnaha kino, a scena z Trampam — adnoj z samych abmiarkoŭvajemych u historyi.
Kamientary
U kožnym žarcie...