U Kitai zapuścili internet 10G: chutkaść da 10 000 Mbit/s i zahruzka filma ŭ farmacie 4K za ličanyja siekundy
Huawei i China Unicom sumiesna zapuścili pieršuju šyrokapałosnuju suviaź 10G u Siun'ani: chutkaść pieravysiła 9800 Mbit/s.
Huawei i China Unicom abjadnali namahańni dla paśpiachovaha zapusku pieršaj šyrokapałosnaj sietki 10G u novym rajonie Siun'ań.
Razhortvańnie šyrokapałosnaj suviazi 10G zasnavana na pieršym u śviecie rašeńni 50G PON. Dziakujučy madernizacyi bazavaj architektury aptavałakonnaj sietki dostupu prapusknaja zdolnaść dla adnaho karystalnika pavialičvajecca z tradycyjnaha hihabitnaha ŭzroŭniu da ŭzroŭniu 10G, a zatrymka ŭ sietcy skaračajecca da ŭzroŭniu milisiekund.
Faktyčnaja vymieranaja chutkaść zahruzki dasiahnuła 9834 Mbit/s, chutkaść adpraŭki — 1008 Mbit/s, pry hetym zatrymka stabilna składała 3 ms, što značna pieravyšaje ciapierašnija standarty šyrokapałosnaha chatniaha dostupu.
Adzin ź pieršych karystalnikaŭ skazaŭ: «Raniej zahruzka filma ŭ farmacie 4K zajmała niekalki chvilin, a ciapier na heta sychodzić usiaho niekalki siekund. Jašče bolš mianie ździviła toje, što pry adnačasovym vykarystańni niekalkich smart-pryład doma sietka pa-raniejšamu pracavała bieśpierabojna, a prajhravańnie videa 8K pa zapycie, manitorynh 4K, zvyšchutkija vobłačnyja kibierspartyŭnyja hulni i sistemy «razumnaha doma» pracavali stabilna».
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski29
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2525
Kamientary