Bajcy 49-ha asobnaha šturmavoha bataljona «Karpackaja Sieč» zachapili ŭ pałon afrykanca, jaki vajavaŭ za Rasiju. Pra heta paviedamili na staroncy bataljona, piša Hromadske.ua.
Sieniehalca schapili padčas bajoŭ na Tareckim kirunku na Danbasie. Užo ŭ pałonie jon raskazaŭ, što jon vučyŭsia dva hady ŭ Rasii.
Vajskoŭcy kažuć, što pałonny chacieŭ pajechać z Rasii ŭ Hiermaniju, ale jamu skazali, kab jon adpraviŭsia na front zarabić hrošaj, i tolki paśla hetaha zmoh by vyjechać.
Pierad tym jak apynucca ŭ pałonie, sieniehalec, ź jahonych słoŭ, padumaŭ, što jaho chacieli rasstralać ukrainskija vajskoŭcy. Adnak vajskoŭcy jamu tolki skazali iści za imi. Padčas ahladu ŭ jaho vyjavili niaznačnyja ranieńni i akazali ŭsiu nieabchodnuju dapamohu.
Paśla sieniehalec raskazaŭ, što ŭžo, maŭlaŭ, nie choča ŭ Jeŭropu, a choča dadomu, a Rasija — heta, na jahonuju dumku, «drenna, vielmi drenna».
Ukraina i Rasija praviali pierad Vialikadniem bujny abmien vajennapałonnymi
Maci i syn, jakija razam pakinuli «Azoŭstal», sustrelisia padčas učorašniaha abmienu praz try hady pałonu
U Rasii sałdata, jaki dobraachvotna zdaŭsia ŭ pałon USU, asudzili na 15 hadoŭ
Dva pałonnyja kitajcy raskazali, jak trapili na vajnu suprać Ukrainy
Kamientary