U Hrodnie pačali ŭzvodzić dva handlovyja centry. Adzin źjavicca ŭ mikrarajonie Baranavičy, a druhi — u Hrandzičach, i stanie adnym z samych vialikich u horadzie. Voś što pra ich viadoma, piša newgrodno.by.
Pra budaŭnictvie handlovaha centra ŭ Hrandzičach zahavaryli niekalki hadoŭ tamu. Vialikuju terytoryju abharadzili, ale nijakich rabot doŭhi čas tam nie było. A ciapier na abjekcie źjaviłasia ciažkaja technika: samazvały, ekskavatary i buldoziery.
Pad zabudovu vybrali ziemli pamiž vulicaj Asfaltavaj i čyhunačnaj linijaj, što padzialaje Hrandzičy i Dzieviatoŭku. Jon zojmie 12 tysiač kvadratnych mietraŭ. Kala 2,5 tysiač kvadrataŭ adviaduć pad vialiki supiermarkiet. Taksama tut źjaviacca ofisy, buciki i niekalki kaviarniaŭ. HC stanie adnym z samych vialikich u horadzie.
Pra terminy budaŭnictva ničoha nieviadoma.
Druhi handlovy centr uzvodziać u samym centry mikrarajona Baranavičy — na skryžavańni vulic Piasočnaj i Vaŭžeckaha.
Jaho płošča składzie bolš za 500 kvadratnych mietraŭ. Budynak maje H-padobnuju formu. U adnym z kryłaŭ raźmieścicca charčovaja krama. U druhim adkryjucca abjekty bytavoha absłuhoŭvańnia.
Terytoryju vakoł HC dobraŭparadkujuć. Pobač pabudujuć i prastornuju parkoŭku.
Kamientary