Jak pravieści Noč muziejaŭ u Vilni, Varšavie i Biełastoku? Śpis biełaruskich padziej
«Naša Niva» pahladzieła, što mohuć naviedać biełarusy zamiežža ŭ štohadovuju Noč muziejaŭ.
Vilnia
Vilenski biełaruski muziej imia Ivana Łuckieviča
Sioletniaja tema imprezy — «Biełaruski malavany vyraj». Prahrama mierapryjemstvaŭ pačniecca ŭ siaredzinie dnia kirmašom majstroŭ.
Paśla abiacajuć hutarku z režysioram śpiektala «Malavanyja słovy» i pakaz filma z unikalnymi kadrami z ekśpiedycyi, jakaja daśledavała žyćcio i los Aleny Kiš i Maryi Prymačenka.
Dalej u płanach — vystava, majstar-kłasy, kancert i tancy pad žyvuju muzyku.
Usia prahrama tut.
Varšava
Muziej Volnaj Biełarusi
Centralnaj padziejaj nočy muziejaŭ tut stanie vystava «Piać artefaktaŭ — i tolki adna noč», jakaja budzie prachodzić z 12.00 da 00.00.
Naviedvalniki zmohuć pabačyć piać biełaruskich historyka-kulturnych artefaktaŭ, nabytych roznymi inicyjatyvami ŭ emihracyi. Rečy ŭpieršyniu buduć abjadnanyja ŭ ahulny vystavačny prajekt i pradstaŭleny tolki adzin raz i tolki na adzin dzień — na hetaj vystavie.
U ekspazicyi budzie Statut VKŁ, vydadzieny ŭ 1693 hodzie, dźvie Radziviłaŭskija karty VKŁ XVII stahodździa, kniha «Perehrynacyja» Mikałaja Kryštafa Radziviła i sakretny list bresckaha vajavody Jana Antonija Haraina, napisany ŭ časy pieršaha padziełu Rečy Paspalitaj.
Usie hetyja pradmiety prezientuje inicyjatyva «Maldzis», Kłub biełaruskich miecenataŭ pry Biełaruskaj Radzie kultury i Muziej Volnaj Biełarusi.
Akramia vystavy budzie pracavać dziciačaja placoŭka «Kabiniet kartohrafa».
U 21.00 abiacajuć kancert artystki Paliny Dabravolskaj (CHORNABROVA) i śpiavački Lery Dele (Koob Dele).
Biełastok
Fiłarmonija, halereja i piknik
Noč muziejaŭ u Biełastoku abiacaje być mabilnaj i zakranuć šmat placovak. U płanach — piknik na dachu opiery, vizit u fiłarmoniju, naviedvańnie niekalkich muziejaŭ i mastackaj halerei, a naprykancy — kancert Kaciaryny Vadanosavaj. Imprezu ładzić inicyjatyva «Aktyŭnymi Być Fajna».
Pačynajecca mierapryjemstva ŭ 15 hadzin ź piknika na dachu opiery (zbor — pierad hałoŭnym uvachodam u opieru pa vulicy Adeskaj). U 17 hadzin čakajecca vizit u Padlaskuju opieru i fiłarmoniju.
Zavieršycie viečar u mastackaj atmaśfiery z vystavaj «Źviaryniec u mastactvie» i kancertam Kaciaryny Vadonasavaj (u 23.00).
Udzieł svabodny, ale patrebna rehistracyja.
«Naša Niva» — bastyjon biełaruščyny
PADTRYMAĆCiapier čytajuć
Darja Šmanaj dvojčy traplała ŭ avaryi ŭ Maskvie na čužym «Miersedesie»3
Kamientary