«Budziem vajavać, kolki treba. My vajavali sa Šviecyjaj 21 hod». Miadzinski na pieramovach pahražaŭ zachapić Sumy i Charkaŭ
Padčas pieramoŭ u Stambule kiraŭnik rasijskaj delehacyi Uładzimir Miadzinski pahražaŭ anieksavać jašče dźvie vobłaści i pravodziŭ histaryčnyja paraleli z Paŭnočnaj vajnoj, piša žurnalist The Economist Olivier Kerał.
Pamočnik Pucina, historyk Uładzimir Miadzinski, na pieramovach z ukrainskaj delehacyjaj u Stambule zajaviŭ, što Rasija hatovaja vajavać kolki zaŭhodna, i pryvioŭ u prykład Paŭnočnuju vajnu XVIII stahodździa.
Pra heta žurnalistu The Economist raskazali niekalki infarmavanych krynic.
«Kiraŭnik rasijskaj delehacyi Miadzinski vykazaŭsia tak: «My nie chočam vajny, ale hatovyja vajavać hod, dva, try — kolki spatrebicca. Sa Šviecyjaj my vajavali 21 hod. A vy na kolki hatovyja vajavać?»
Miadzinski praciahnuŭ: «A Piatra Vialikaha… viedajecie, chto finansavaŭ? Anhlija i Francyja. Šviecyja dahetul była b vialikaj dziaržavaj, kali b nie heta». Mnie paviedamili, što padobnaja rytoryka była zvyčajnaj u chodzie abmierkavańniaŭ», — napisaŭ Kerał.
Pa jaho infarmacyi, rasijski bok sapraŭdy zapatrabavaŭ vyvadu ŭkrainskich vojskaŭ z Charkaŭskaj, Zaparožskaj, Danieckaj i Łuhanskaj abłaściej. Rasijanie taksama pahražali zachapić Charkaŭskuju i Sumskuju vobłaści.
«Moža być, niechta z vas, chto siadzić za hetym stałom, stracić jašče bolš svaich rodnych. Rasija hatovaja zmahacca viečna», — cytuje žurnalist jašče adno vykazvańnie Miadzinskaha.
Kiraŭnik ukrainskaj delehacyi Rustem Umieraŭ nie staŭ kamientavać hetuju infarmacyju padčas kamunikacyi z presaj.
Umieraŭ i Miadzinski vystupili z karotkimi zajavami pa vynikach pieramoŭ. Zialenski i lidary ES razam sazvanilisia z Trampam
Delehacyi Ukrainy i Rasii na pieramovach u Stambule razmaŭlali praź pierakładčyka
Ministr abarony Ukrainy nazvaŭ prapanovy Ukrainy
ES abmiarkoŭvaje ŭviadzieńnie karnych pošlin suprać Rasii
Ukraina i Rasija damovilisia abmianiacca vajennapałonnymi pa formule «1000 na 1000»
Pieramovy ŭ Stambule zaviaršylisia. Maskva patrabuje zdačy Ukrainaj čatyroch abłaściej
Kamientary
Chorošij rośsijanin eto chołodnyj rośsijanin. A pieriehovory tolko čieriez pricieł.
Eti vyrodki ponimajut tolko siłu.