Pahladzicie, jak budzie vyhladać novaja infiekcyjnaja balnica ŭ Minsku
Jaje budujuć na Daŭhinaŭskim trakcie.
Novuju infiekcyjnuju balnicu, jakaja svaim źniešnim vyhladam nahadvaje sučasny žyły kompleks, praciahvajuć budavać na Daŭhinaŭskim trakcie. Pra toje, jak prasoŭvajecca budaŭnictva, raskazali ŭ telehram-kanale «Minskbuda», piša Realt.by.
Hetaja infiekcyjnaja balnica na 260 łožkaŭ unikalnaja nie tolki svaim dyzajnam, ale i technałohijaj budaŭnictva. Jaje ŭzvodziać pry paralelnym prajektavańni, a hałoŭnaja techničnaja inavacyja — lohkija stalovyja tonkaściennyja kanstrukcyi. Dziakujučy hetaj technałohii ŭdajecca budavać chutčej, nie stračvajučy ŭ jakaści.
— Značny abjom budaŭniča-mantažnych rabot užo vykanany. Hatovyja da azdableńnia korpus asabliva niebiaśpiečnych infiekcyj i haspadarčy błok — siudy pastupaje abstalavańnie. Taksama kamplektujucca inžyniernyja abjekty, — raskazvajuć u «Minskbudzie».
— Na finišy znachodziacca pałatnyja karpusy: zaviaršajecca čystavoje azdableńnie, zmantažavanyja miedycynskija kansoli lačebnych hazaŭ, elektryka, ustanoŭlena santechničnaje abstalavańnie, pravodzicca puskanaładačnaje vyprabavańnie inžyniernych sistem.
U boksy ŭžo zavoziać meblu.
Asnoŭnyja siły adździełačnikaŭ ciapier zasiarodžanyja na hałoŭnym korpusie. U vieraśni budaŭniki płanujuć zakončyć azdableńnie fasada.
Korpus vyšynioj na 2—3 pavierchi padzieleny na 7 błokaŭ.
— Unutry ŭžo farbujuć, abkładvajuć plitkaj, mantažujuć pieraharodki, ustanaŭlivajuć dźviery. Najbolšyja abjomy azdobnych rabot vykanany ŭ piaci błokach ź siami.
Paralelna zajmajucca i dobraŭparadkavańniem terytoryi balničnaha haradka — układvajuć tratuarnuju plitku, asfaltujuć prajezdy, farmujuć hazony.
Kamientary