Novy vid antarktyčnych lišajnikaŭ nazvali ŭ honar biełaruskaha daśledčyka
U Antarktydzie navukoŭcy vyjavili novy vid lišajnikaŭ, jaki atrymaŭ nazvu Austroplaca giginyakii u honar biełaruskaha palarnaha daśledčyka Juryja Hihiniaka, paviedamlaje Navukova-vytvorčy centr pa bijaresursach.
Takuju nazvu prysvoiŭ novaadkrytaj raślinie turecki prafiesar Miechmiet Hiokchan Chaličy, kiraŭnik mižnarodnaha prajekta pa vyvučeńni lišajnikaŭ Uschodniaj Antarktydy.
Adkryćcio i apisańnie novaha vidu byli pradstaŭlenyja na navukovym sieminary Instytuta ekśpierymientalnaj bataniki NAN Biełarusi. Nazyvańnie jaho ŭ honar Juryja Hihiniaka stała simvaličnym pryznańniem značnaha ŭkładu hetaha navukoŭca ŭ daśledavańnie bijaraznastajnaści Antarktyki i raźvićcio palarnaj navuki ŭ Biełarusi.
Juryj Hihiniak — biełaruski hidrabijołah, palarny daśledčyk, kandydat bijałahičnych navuk. Jon źjaŭlajecca adnym ź pijanieraŭ biełaruskaj navuki ŭ Antarktydzie i pieršym biełaruskim bijołaham, jaki pracavaŭ u hetym rehijonie.
Jon udzielničaŭ u niekalkich palarnych ekśpiedycyjach — upieršyniu ŭ 1971 hodzie, a zatym u 2010—2011 i 2013—2014 hadach.
Na praciahu svajoj navukovaj karjery Hihiniak śpiecyjalizavaŭsia na vyvučeńni hidraekałohii, bijałohii krevietak, faŭny chałodnych krynic, a taksama inšych vodnych biespazvanočnych i rakapadobnych.
Akramia Antarktydy, navukoviec pravodziŭ daśledavańni na Kamčatcy, u Siaredniaj Azii, pa terytoryi Rasii i Biełarusi. Jahonaja dačka, Iryna Hihiniak, taksama stała vučonym-hidrabijołaham.
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary