Sinoptyk Dźmitryj Rabaŭ daŭ prahnoz nadvorja na apošni tydzień červienia, z 23 pa 29 červienia.
Pa słovach Dźmitryja Rabava, ciopłaha i suchoha leta, na jakoje my tak spadziavalisia, nie pradbačycca. Cykłony i atmaśfiernyja franty buduć praciahvać upłyvać na nadvorje, prynosiačy z saboj daždžy, navalnicy i paryvisty viecier.
Tydzień budzie ŭmierana ciopłym, ale niaŭstojlivym. Čakajcie karotkich letnich daždžoŭ, jakija mohuć supravadžacca navalnicami i mocnym paryvistym vietram, da 15-20 mietraŭ u siekundu. Vilhotnaść pavietra budzie vysokaja, da 90%.
U pačatku tydnia, u paniadziełak i aŭtorak, nadvorje budzie pad upłyvam vobłaści vysokaha cisku i frantoŭ z Zachodniaj Jeŭropy. U paniadziełak udzień na zachadzie, a ŭ aŭtorak u bolšaści rajonaŭ projduć daždžy i navalnicy. Tempieratura ŭnačy budzie ad +9 da +15°C. Udzień u paniadziełak ad +17 da +25°C, u aŭtorak — ad +13°C na paŭnočnym zachadzie da +22°C na paŭdniovym zachadzie.
U siaredzinie tydnia, u sieradu, nadvorje budzie vyznačacca atmaśfiernymi frantami. Jany pryniasuć karotkačasovyja daždžy na bolšuju častku krainy. Viecier budzie zachodni, paŭnočna-zachodni, umierany. Vilhotnaść da 80%. Unačy ad +10 da +16°C, udzień ad +14°C u Homieli da +20°C u Breście.
U pačatku druhoj pałovy tydnia, u čaćvier i piatnicu, Biełaruś budzie znachodzicca ŭ vobłaści vysokaha cisku, tamu značnych daždžoŭ nie prahnazujecca. Unačy i ranicaj mahčymy tuman. Vilhotnaść da 90%. Unačy ad +10 da +15°C. Udzień u čaćvier ad +18°C na paŭnočnym uschodzie da +25°C na paŭdniovym zachadzie, u piatnicu — ad +18 da +23°C.
U apošnija vychodnyja červienia nadvorje zastaniecca niaŭstojlivym ź pieramiennaj vobłačnaściu i nievialikimi karotkačasovymi daždžami. Unačy i ranicaj mahčymy tuman. U siaredzinie dnia ŭ subotu ad +17°C na ŭschodzie da +25°C na zachadzie, u niadzielu — ad +22 da +27°C.
Ciapier čytajuć
Vyhnaŭ žonku zimoj na vulicu, zabraŭ małuju dačku: detali razvodu kasmanaŭta Aleha Navickaha, jaki, zdajecca, ciapier ažaniŭsia z Vasileŭskaj2
Vyhnaŭ žonku zimoj na vulicu, zabraŭ małuju dačku: detali razvodu kasmanaŭta Aleha Navickaha, jaki, zdajecca, ciapier ažaniŭsia z Vasileŭskaj
Kamanda maleńkaha karybskaha vostrava Kiurasaa ŭpieršyniu ŭ historyi zhulaje na čempijanacie śvietu pa futbole. Što za vostraŭ i jak takoje atrymałasia?33
Kamientary