Z novaha navučalnaha hoda ŭ Biełarusi ŭstupajuć u siłu źmieny: niekatoryja vypuskniki 11-ch kłasaŭ zmohuć nie zdavać vypusknyja ekzamieny (CE), piša BiełTA.
Pavodle słoŭ śpiecyjalistaŭ viedamstva, novaŭviadzieńnie było inicyjavana pa prośbach baćkoŭ i datyčycca navučencaŭ, jakija majuć miedycynskija supraćpakazańni.
— Z 1 vieraśnia budzie ŭviedziena norma pra toje, što navučency 11 kłasaŭ pavodle zaklučeńnia doktarskaj kamisii zmohuć być vyzvalenyja ad CE, — paviedamiła kansultant upraŭleńnia ahulnaj siaredniaj adukacyi Minadukacyi Anžeła Kudajarava.
Minzdaroŭja padrychtuje pieralik zachvorvańniaŭ, pry jakich školnikaŭ vyzvalać ad ekzamienacyjnych vyprabavańniaŭ.
Jak rastłumačyŭ načalnik hałoŭnaha ŭpraŭleńnia prafiesijnaj adukacyi Minadukacyi Siarhiej Piščoŭ, praviły pastupleńnia ŭ VNU i kaledžy zastajucca raniejšymi. Abituryjenty jak i raniej pavinny pradjaŭlać siertyfikaty CE i CT.
Adnak kali miedycynskaja kamisija aficyjna pryznaje niemahčymaść zdačy ekzamienaŭ i teściravańnia, takija školniki ŭsio roŭna zmohuć pastupać — ale z abmiežavańniami: naprykład, nie na ŭsie śpiecyjalnaści.
Akramia taho, užo daŭno zaćvierdžany pieralik napramkaŭ, kudy možna pastupać bieź siertyfikataŭ — u asnoŭnym pry ŭmovie vysokaj paśpiachovaści abo paśla prachodžańnia ŭstupnych vyprabavańniaŭ.
Vaskrasienski: Adkryvajecca nieba — i Aleś Bialacki adrazu vychodzić31
Kamientary