«Mała što ŭ internecie pišuć». Vykładčyk, jakoha abvinavacili ŭ damahańniach, praciahnie pracavać u ansambli «Biełaja Ruś»
Kaledž, dzie vykładaje Anatol Karpovič, adpraviŭ jaho ŭ adpačynak jak minimum da kanca pryjomnaj kampanii. A ŭ ansambli, jakim kiruje chareohraf, pakul nijakich dziejańniaŭ pradprymać nie płanujuć.
Pa słovach dyrektara Minskaha dziaržaŭnaha kaledžu mastactvaŭ Juryja Lajko, da jakoha žurnalistka «Našaj Nivy» źviarnułasia pad vyhladam haradskoj błohierki, zaraz Anatol Karpovič znachodzicca ŭ adpačynku, kudy jaho adpravili pa zahadzie administracyi ŭstanovy.
Jon adznačyŭ, što Karpovič pracavaŭ u kaledžy nie na poŭnuju zaniataść, a asnoŭnaja jaho dziejnaść — kiravańnie ansamblem «Biełaja Ruś».
Namieśnica dyrektara ansamblu Volha Bunčuk, da jakoj žurnalistka taksama źviarnułasia jak haradskaja błohierka, skazała, što na hety momant Anatol Karpovič praciahvaje pracavać u kalektyvie.
Na pytańni ab tym, ci budzie ansambl niejak reahavać na publičnyja abvinavačvańni suprać ich kiraŭnika, pravodzić rasśledavańnie, Bunčuk adkazała «mała što pišuć u internecie».
«Ja prosta nie viedaju. Składana adkazvać na takija pytańni», — skazała jana.
Niekalki dzion tamu Arciom Kaŭryha abvinavaciŭ u damahańniach svajho kolišniaha vykładčyka Anatola Karpoviča. Heta nibyta zdaryłasia, kali Arciomu było 15 hod. Kaŭryha, jaki ciarier žyvie ŭ ZŠA, skazaŭ, što vyrašyŭ raspavieści svaju historyju, zaraz, praz 15 hod, kab vylečycca ad traŭmy i papiaredzić studentaŭ kaledžu i ich baćkoŭ.
Ciapier čytajuć
Maštabny zboj u troch biełaruskich bankach: z rachunkaŭ źnikajuć hrošy5
Kamientary
I, nažal, 20 hadoŭ tamu tam toje samaje było. Ja na inšym adździaleńni vučyłasia, ale ŭ nas vykładčyk byŭ Sinielnik - maładych dziaŭčat lez całavać i macać. Adna dziaŭčyna zaciažaryła… i inšaja kaleha hetaha nastaŭnika praviała ź joj “razmovu” kab ad dziciaci pazbavicca i kab heta ŭsio prykryć.
Miłyja bułaruskija baćki, razmašlajcie pra hetyja rečy z vašymi dziećmi. U Biełarusi piedafiłaŭ šmat, tolki nažal mała pra heta kažuć.