Kiraŭnik kadravaj słužby Trampa Sierchia Hor akazaŭsia ŭradžencam Taškienta Siarhiejem Harachoŭskim
Sierchia Hor, dyrektar Biełaha doma pa kadravych pytańniach, naradziŭsia ŭ Taškiencie. Da niadaŭniaha času pra jaho pachodžańnie ničoha dakładna nie viedali — sam jon paźbiahaŭ adkazaŭ i zajaŭlaŭ tolki, što naradziŭsia nie ŭ Rasii. I heta ŭ pryncypie praŭda, bo Taškient — stalica Uźbiekistana. U publikacyjach u ŚMI, u tym liku ŭ Washington Post i New York Post, jaho nazyvali imihrantam z Malty, piša «Mieduza».
Adnak, zhodna z rasśledavańniem vydańnia Times of Malta i Centra pa daśledavańni karupcyi i arhanizavanaj złačynnaści (OCCRP), u dakumientach ab majomaści na Malcie fihuruje poŭnaje imia čynoŭnika — Sierchia Harachoŭski. Data naradžeńnia — 30 listapada 1986 hoda, a miesca naradžeńnia — Taškient. Jahony advakat Robiert Harsan paćvierdziŭ hetuju infarmacyju.
Zhodna z materyjałami rasśledavańnia, u dziacinstvie Sierchia Hor žyŭ na Malcie jak minimum piać hadoŭ, u tym liku vučyŭsia ŭ katalickaj škole ŭ horadzie Vitaryjoza ŭ 1996—1999 hadach. Paźniej jahonaja siamja pierajechała ŭ ZŠA, dzie Hor staŭ hramadzianinam hetaj krainy i pačaŭ palityčnuju karjeru.
Taksama stała viadoma, što jašče da pracy ŭ administracyi Donalda Trampa, Hor dvojčy naviedvaŭ Maskvu. Pieršy raz — u 2017 hodzie, kali prylacieŭ z Vašynhtona, pravioŭ u Maskvie adzin dzień i na nastupny dzień adpraviŭsia ŭ Rym. Druhi vizit adbyŭsia ŭ 2018 hodzie, kali jon pracavaŭ ź sienataram Rendom Połam. Tady jon udzielničaŭ u pajezdcy, jakuju finansavaŭ Instytut Katona — amierykanski libiertaryjanski analityčny centr. Aficyjna metaj vizitu było vyvučeńnie pytańniaŭ uzajemaadnosin pamiž ZŠA i Rasijaj. Advakat Hora patłumačyŭ hetyja vizity tym, što jaho klijent — «prychilnik padarožžaŭ», a vizit u 2017 hodzie nazvaŭ zvyčajnym «stykovačnym rejsam».
Siońnia Sierchia Hor źjaŭlajecca adnoj z najbolš upłyvovych asobaŭ u administracyi Trampa. Jon supracoŭničaje z Donaldam Trampam-małodšym, razam jany zasnavali vydaviectva Winning Team Publishing, jakoje vypuskaje knihi Trampa-starejšaha i jaho sajuźnikaŭ.
U 2020 hodzie Hor adkazvaŭ za finansavańnie vybarčaj kampanii, a ŭ 2024 hodzie stvaryŭ palityčny kamitet, jaki vydatkavaŭ amal 72 miljony dalaraŭ. Paśla viartańnia Trampa ŭ Bieły dom Hor uvioŭ žorstkuju pravierku dziaržaŭnych słužačych na łajalnaść da prezidenta.
«Kidaje ŭ nas kučy haŭna». Tramp zajaviŭ pra svaju niezadavolenaść Pucinym
Tramp nakiravaŭ lidaram Japonii, Kazachstana i jašče 10 krain listy ab uviadzieńni z 1 žniŭnia novych impartnych pošlin
Tramp pryhraziŭ sankcyjami krainam, jakija padtrymlivajuć BRIKS
Tramp pra ideju Maska stvaryć treciuju partyju ŭ ZŠA: Całkam «źlacieŭ z katušak»
Polšča pryznała Alaksandra Mašenskaha niepažadanaj asobaj27
Kamientary