Zaŭtra Skrypčanka pakinie Vienhryju, dzie kamanda pravodzić jeŭrakubkavyja matčy, paviedamlaje Football.by.
Nahadajem, što napiaredadni «Dynama» pakinuła kvalifikacyju Lihi čempijonaŭ, vybyŭšy ŭžo ŭ jaje pieršym raŭndzie. Pieršy matč byŭ prajhrany bałharskamu «Łudahorcu» ź likam 0:1, a ŭ druhim minčuki damahlisia tolki ničyjoj 2:2.
Tym nie mienš, «Dynama» praciahnie vystup u druhim raŭndzie kvalifikacyi Lihi kanfierencyj. Supiernikam budzie ałbanskaja «Ehnacija», što ŭ aŭtorak u Isłandyi razhromna prajhrała isłandskamu «Brejdabliku» 0:5. Pajadynki projduć 24 i 31 lipienia, ale ŭznačalvać «Dynama» budzie ŭžo inšy trenier.
Miesiac tamu Vadzim Skrypčanka ŭžo zajaŭlaŭ pra svoj namier pajści ŭ adstaŭku, ale kiraŭnictva kłuba tady jaje nie pryniało.
Vadzim Skrypčanka ŭznačaliŭ minskaje «Dynama» ŭ listapadzie 2022 hoda. Pad kiraŭnictvam hetaha treniera kamanda dvojčy stała pieramožcam čempijanatu Biełarusi i prabiłasia ŭ hrupavy raŭnd Lihi kanfierencyj.
Raniej u Biełarusi śpiecyjalist pracavaŭ u «Minsku» i žodzinskim «Tarpieda-BiełAZie», a za miažoj uznačalvaŭ «Ararat-Armieniju», rasijskija «Anžy», «Kryły Savietaŭ» i «Kubań».
Ciapier čytajuć
Kačanava prapanavała ŭvieści adkaznaść za «niapraŭdu ŭ tyktoku»11
Kačanava prapanavała ŭvieści adkaznaść za «niapraŭdu ŭ tyktoku»
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary