Minskaje «Dynama» prajhrała «Łudahorcu», prapuściŭšy ŭ kancy sustrečy
Siońnia prajšoŭ pieršy matč pieršaha raŭndu kvalifikacyi futbolnaj Lihi čempijonaŭ.
Minskaje «Dynama» hulała ŭ haściach z bałharskim «Łudahorcam» i prajhrała 0:1. Adziny miač u sustrečy zabiŭ češski lehijanier «Łudahorca» Filip Kałač na 87-j chvlinie.
Hulnia ŭ adkaz projdzie ŭ nastupnuju sieradu ŭ Vienhryi.
Darečy, «Dynama» i «Łudahorac» hulali pamiž saboj hod tamu ŭ 2-m raŭndzie ŁČ, i bałharski kłub pieramoh pa vynikach dźviuch sustrečaŭ (2:0, 0:1).
Sioleta pieramožca dvuboju ŭ druhim raŭndzie kvalifikacyi Lihi čempijonaŭ zhulaje z charvackaj «Ryjekaj», a niaŭdačnik pary ź niadaŭčnikam pary «Ehnacija» (Ałbanija) — «Brejdablik» (Isłandyja). U pieršym pajadynku ałbancy pieramahli 1:0.
U čaćvier projduć matčy kvalifikacyi pieršaha raŭndu kvalifikacyi Lihi kanfierencyj.
«Nioman» zhulaje ŭ Jerevanie z «Urartu» (20:00), žodzinskaje «Tarpieda-BiełAZ» u Vienhryi z paŭnočnamakiedonskimi «Rabotničkami» (21:00), a bresckaje «Dynama» ŭ haściach z čarnahorskaj «Sućjeskaj» (21:30).
Biełaruskija kłuby pravodziać svaje chatnija matčy na niejtralnych palach. Sioleta ŭ Vienhryi.
Ciapier čytajuć
Kamientary