Zasnavalnica pryvatnaha miedcentra raskazała, jak schudnieła na 25 kiłahram i ledź nie pamierła ad «Aziempika»
Natalla Fiedziukovič — stvaralnica minskaj pryvatnaj kliniki žanočaha zdaroŭja — padzialiłasia ŭ instahramie tym, jak sprabavała paskoryć schudnieńnie z dapamohaj modnaha preparatu «Aziempik».
Natalla nie tolki kiraŭnica F-clinic i praktykujučaja hiniekałahinia, ale i błohierka — na jaje instahram padpisana bolš za 50 tysiač čałaviek. Niadaŭna jana ščyra raspaviała pra toje, jak joj udałosia mocna schudnieć.
Historyja pačałasia prykładna paŭtara hoda tamu, kali žančyna stała na vahi i raptam zrazumieła, što važyć stolki ž, kolki jaje muž — 85 kiłahram. Natalla kaža, što nie kampleksavała nakont taho, jak tady vyhladała — ale vyrašyła razabracca sa zdaroŭjem.
— Kali ja zdała analizy, to pryjšła ŭ žach ad ich. Ja nie mahu skazać, što jeła tolki škodnuju ježu, što časta ŭžyvała ałkahol. Zusim nie. Ale jeła pozna pierad snom. I tak, vino pa vychodnych, kali zdaralisia. Ja vielmi pozna kłałasia spać, da nočy my z mužam zalipali ŭ sieryjały i ni pra jaki režym havorki nie išła!
Natalla piša, što skončyła z usim hetym rezka. Pačała pračynacca a 8-j, kłaścisia a 23-j, a taksama spać z vyklučanym śviatłom — bo ŭsio žyćcio spała tolki tak praz strach ciemry.
Taksama jana stała jeści pa hrafiku, całkam vyklučyła z racyjonu škodnuju ježu i ałkahol, pačała vyličvać spažyvańnie białku i pić nie mienš za try litry vady štodnia.
Plus treniroŭki try-čatyry razy na tydzień i masažy, jakija akazalisia davoli balučymi. Natalla kaža, što jana ad bolu kryčała tak, što jaje sabaki brachali na masažystku.
— Dvojčy na dzień kantrasny duš, šaravańnie ŭsiaho cieła śpiecyjalnymi ščotkami i kremami, emulsijami i alejami. Štodzionnyja maski dla tvaru, kožnuju ranicu! Dva razy na dzień rytuały dla tvaru z hadžetami i masažorami pa 20-30 chvilin. U mianie ich cełaja kalekcyja. Dumajecie, heta ŭsio pieršapačatkova było ŭ kajf? Kajfuju ja ad hetaha zaraz, pieršapačatkova heta było katavańnie.
Natalla pryznajecca, što kali atrymałasia skinuć pieršyja 10 kiłahramaŭ, to ŭ jaje pačałasia ejfaryja i vielmi zachaciełasia paskoryć praces. Niadoŭha dumajučy, žančyna paprasiła siabroŭku pryvieźci ź Litvy modny preparat «Aziempik» (pieršapačatkova jaho raspracoŭvali dla ludziej z dyjabietam, ale paźniej leki stali vykarystoŭvać halivudskija zorki dla schudnieńnia).
— Ja ŭkałołasia (pravilna raźličyŭšy dozu z endakrynołaham!). I ledź nie pamierła. Heta jak sto samych lutych adchadniakoŭ, jakija źmianiajucca absistencyjaj, i tak pa kruzie. Mianie vanitavała i vyvaročvała navyvarat niekalki sutak. Hety ž čas ja ničoha nie jeła.
Žančyna raspaviała, što ŭ vyniku paśla ŭkołu skinuła try kiłahramy, ale vyrašyła, što z «Aziempikam» zaviazvaje — kaža, zrazumieła, što pryjdziecca pracavać samoj, a nie spadziavacca na cud.
— Ciapier maja vaha — 60 kiłahramaŭ. Ja całkam zdarovaja, a maje analizy možna viešać na došku honaru.
U biełaruskich aptekach źjaviŭsia rasijski anałah «Azempiku»
«Doŭha źbirałasia z dumkami, kab udžalicca hetaj štukaj»: Hanna Bond pačała kałoć «Azempik». Ale nie kab pachudzieć
«Ja hladzieła na siabie hołuju ŭ lusterku i kazała: «Źmirysia!» Lucyja Hieraščanka raspaviała pra svoj dośvied z «Azempikam»
«U mianie svajak — piłot, jon pryvozić». Jak u Biełarusi pradajuć «Azempik», jaki abiacaje fihuru mary
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary