U Varšavie amal udvaja vyrasła kolkaść złačynstvaŭ na nacyjanalnaj hlebie
U Varšavie za pieršyja šeść miesiacaŭ 2025 hoda kolkaść złačynstvaŭ na hlebie nacyjanalnaj, rasavaj, relihijnaj nieciarpimaści i ksienafobii vyrasła na 84% u paraŭnańni z tym ža pieryjadam 2024 hoda, sa spasyłkaju na hazietu Wyborcza piša MOST.
U papiarednija hady statystyka takich złačynstvaŭ była stabilnaj. U 2023 hodzie palicyja Varšavy atrymała 128 zajaŭ ab złačynstvach na hlebie nianaviści, ź jakich u 96 vypadkach było ŭstanoŭlena, što zakon sapraŭdy byŭ parušany. U 2024 hodzie było pryniata 126 zajaŭ ab takich złačynstvach, ź jakich 90 pryznali abhruntavanymi.
Adnak užo za šeść miesiacaŭ 2025 hoda palicyja atrymała 104 paviedamleńni ab złačynstvach na hlebie nianaviści, u 78 vypadkach skład złačynstva paćvierdziŭsia. Heta na 84% bolš u paraŭnańni z tym ža pieryjadam minułaha hoda.
Ekśpierty vydańnia adznačajuć, što nie pra ŭsie złačynstvy na nacyjanalnaj hlebie paviedamlajuć u palicyju — zvyčajna heta adbyvajecca, kali sprava dachodzić da hvałtu. A rost ahresii padsiłkoŭvajecca antyimihranckaj rytorykaj, što ŭzmacniłasia padčas vybarčaj kampanii. Pry hetym, niahledziačy na toje, što farmalna palityčnyja siły vystupajuć suprać nielehalnaj mihracyi, ahresaraŭ nie cikavić, znachodzicca čałaviek u Polščy lehalna ci nie.
Ciapier čytajuć
Zatrymali kiraŭnikoŭ ivent-kampanij. Adzin ź ich dapamahaŭ ładzić kancerty ŭ padtrymku Łukašenki11
Zatrymali kiraŭnikoŭ ivent-kampanij. Adzin ź ich dapamahaŭ ładzić kancerty ŭ padtrymku Łukašenki
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3737
Kamientary
Heta taksama ličycca ŭ statystyku? )