U Biełarusi ŭpieršyniu zafiksavali, jak adkładaje jajki čyrvanavuchaja čarapacha
U minskim parku Pieramohi adpačyvalniki zaŭvažyli, jak čyrvanavuchaja čarapacha adkładała jajki. Heta niezvyčajnaja padzieja dla Biełarusi, bo hety vid źjaŭlajecca ŭ nas invazijnym i ličycca niebiaśpiečnym dla miascovaj pryrody. Pra hety vypadak raskazała vydańniu «Smartpres» supracoŭnica Navukova-praktyčnaha centra NAN Biełarusi pa bijaresursach Alena Kulikova.
Navukoŭcy znajšli hniazdo ź siamiu jajkami: dva byli sapsavanyja, piać adpravili na inkubacyju. Kali ź ich vyłupiacca čarapašaniaty, ich pieradaduć u arhanizacyi, jakija majuć prava ŭtrymlivać hety vid.
Heta pieršy viadomy vypadak hniezdavańnia čyrvanavuchaj čarapachi ŭ našaj krainie.
Śpiecyjalisty pakul nie viedajuć, ci byli jajki apłodnienymi, a taksama dzie samka sustreła samca — u niavoli ci ŭžo ŭ pryrodzie. Ale pakolki adkładvańnie adbyłasia pozna, u žniŭni, to naturalnaje vyłuplivańnie było b małavierahodnym: małym patrebna kala paŭtara miesiaca, kab raźvicca, a ŭ kastryčniku ŭžo choładna.
Čyrvanavuchaja čarapacha — ciopłalubivy amierykanski vid, i ŭ Biełarusi ŭmovy dla jaje razmnažeńnia niespryjalnyja. Ale jana ŭsio adno ŭjaŭlaje niebiaśpieku: kankuruje z našaj bałotnaj čarapachaj, bolš ahresiŭnaja i moža jaje vyciaśniać. U Jeŭropie, dzie klimat ciaplejšy (Francyja, Italija, Ispanija), jana paśpiachova razmnažajecca i nanosić škodu miascovym ekasistemam.
U Biełarusi hety vid traplaje ŭ pryrodu z ruk ludziej, jakija vypuskajuć chatnich čarapach u vadajomy, choć heta zabaroniena zakonam. Kolki takich čarapach žyvie ŭ našych aziorach i rekach — dakładna nieviadoma. Tamu navukoŭcy prosiać paviedamlać pra ŭsie vypadki sustreč ź imi i fiksavać na fota i z kaardynatami.
Kitajec sprabavaŭ pierasłać z ZŠA ŭ škarpetkach bolš za 850 čarapach
Niezvyčajnyja pryhody. Praz paŭhoda błukańniaŭ vilejskaja čarapacha viarnułasia dadomu
Maładyja baćki ŭ 100 hadoŭ. U pary hałapahoskich čarapach upieršyniu naradzilisia dzieci
Pad Połackam mužčyna łaviŭ rybu, a złaviŭ čarapachu
Na voziery ŭ Homieli znajšli vostraŭ čarapach VIDEA
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy
Kamientary