Vietkaŭski muziej paśla čystak šukaje novych navukovych supracoŭnikaŭ
Adnamu ź viadučych biełaruskich muziejaŭ brakuje prafiesijnych navukoŭcaŭ, zdolnych praciahvać pracu z unikalnaj spadčynaj biełaruskaha staraabradnictva i tradycyjnaj nacyjanalnaj kultury, piša Štodzień Homiel.
Vietkaŭski muziej staraabradnictva i biełaruskich tradycyj imia F. R. Šklarava abviaściŭ pra pošuk novych navukovych supracoŭnikaŭ. Ustanova šukaje «śpiecyjalista z vyšejšaj adukacyjaj, zacikaŭlenaha ŭ historyi staraabradnictva, knižnaj kultury, ikanapisie i biełaruskaj tradycyjnaj kultury».
Pasada praduhledžvaje praviadzieńnie ekskursij, lekcyj i muziejnych zaniatkaŭ, udzieł u stvareńni vystaŭ i navukovych daśledavańniach. Asnoŭnaje miesca pracy — filijał u Homieli (pł. Lenina, 4a).
Zarobak składaje kala 1000 rubloŭ.
Adkrytaja vakansija źviazanaja nie tolki z naturalnaj patrebaj u novych kadrach, ale i ź niadaŭnimi čystkami.
Tak, u 2024 hodzie stała viadoma pra toje, što ekskursavod, navukoviec, kalekcyjanier i supracoŭnik Vietkaŭskaha muzieja Alaksandr Nikicin byŭ asudžany pa pratesnym artykule.
Jašče raniej, u 2023 hodzie, z pasady byŭ zvolnieny były kiraŭnik muzieja, viadomy daśledčyk Piatro Całka. Na jaho miesca pryjšło novaje kiraŭnictva, i ad taho času ŭstanovu pakinuła častka kvalifikavanych supracoŭnikaŭ.
Pryčynami nazyvajuć nizkija zarobki i administracyjny cisk.
-
Pamior biznesmien z 90-ch Alaksandr Smancar. Heta jon u 2010 zvaniŭ Statkieviču na Płošču i zaklikaŭ «siadać u kresła Sidorskaha»
-
Kala 19 tysiač kamier płanujuć ustalavać kala minskich padjezdaŭ. Heta amal u 10 razoŭ bolš, čym ciapier
-
Niamiecki deputat, jaki maje pad Lidaj firmu pa pierapracoŭcy cybuli, vyklikaŭ palicyju na žurnalistaŭ i byłoha biełaruskaha viaźnia
Kala 19 tysiač kamier płanujuć ustalavać kala minskich padjezdaŭ. Heta amal u 10 razoŭ bolš, čym ciapier3
Kamientary