«Пішуць, што вінаватая ўлада». Сілавікі кашмараць гродзенцаў, незадаволеных забаронай канцэртаў у цэнтральных дворыках
Тэму вельмі актыўна абмяркоўваюць у сацыяльных сетках, людзі абураюцца. Сілавікам гэта не падабаецца.
У Гродне гарадскія ўлады нядаўна забаранілі музыкам граць на вуліцы ў цэнтральных дворыках, у тым ліку на папулярнай у жыхароў Маставой. Пад забарону таксама трапіла гучная музыка з калонак і дыджэй-сэты.
Забарона выклікала ажыятаж у сацыяльных сетках. Многія гродзенцы лічаць, што гэтая забарона пазбавіла горад адной з яго асаблівасцяў. За каментарыямі сочаць сілавікі. Адзін з праўладных каналаў паведаміў, што людзей, якія выказваюць незадавальненне, ужо выклікаюць у міліцыю. Іх «віна» ў тым, што яны абвінавачваюць уладу ў забароне канцэртаў.
«Усе «каментатары» ўжо ўстаноўленыя кампетэнтнымі органамі. Гэта робіцца хутчэй, чым Google вызначае ваша месцазнаходжанне. Тых, хто перастараўся, відавочна перайшоў мяжу, чакае «ўзнагарода». Іх ужо выклікаюць куды трэба, размаўляюць, папярэджваюць, просяць задумацца», — піша праўладны канал.
Гродзенскія ўлады таксама пракаментавалі сітуацыю. У гарвыканкаме заявілі, што аніякай забароны быццам бы няма.
«У апошні час у сацыяльных сетках абмяркоўваецца тэма так званых «музычных дворыкаў» і магчымых абмежаванняў на выступленні. Хочам запэўніць: забароны няма. Аднак мы працуем над тым, каб прывесці творчыя пляцоўкі ў прававое поле, зрабіўшы іх зручнымі і бяспечнымі для кожнага», — гаворыцца ў паведамленні.
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе55
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе5
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў99
Каментары