U lipieni 2025 hoda ŭ Biełarusi inflacyja praciahvała paskaracca. Hadavy rost indeksa spažyvieckich cen skłaŭ 7,4% (u červieni byŭ 7,3 %). Kali paraŭnoŭvać sa śniežniem 2024 hoda, rost ISC dasiahnuŭ 5,6 %, a ŭ paraŭnańni z červieniem hetaha hoda — 0,2 %, paviedamiła Ministerstva antymanapolnaha rehulavańnia i handlu.
Biełaruskaja inflacyja, praŭda, zastajecca nižejšaj, čym u inšych krainach JEAES: u Rasii jana dasiahnuła 8,94 %, u Kazachstanie — 11,8 %, u Kyrhyzstanie — 8,8 %. U Armienii, naadvarot, pakazčyk značna nižejšy — 3,4 %.
Bazavaja inflacyja ŭ hadavym vyražeńni skłała 7,6 % (plus 0,2 pracentnyja punkty da červienia). Rost rehulavanych taryfaŭ — 5,9 %, cen na sadavinu i harodninu — 11,8 % (pry hetym tempy zamarudzilisia).
Na paskareńnie inflacyi najbolš paŭpłyvali taryfy na pasłuhi — ich układ vyras da 1,92 %. Układ charčovych tavaraŭ krychu źmienšyŭsia (da 4,39 %), jak i niecharčovych (da 1,10 %).
Padaraželi ŭ lipieni nastupnyja pazicyi:
- Małočnaja i miasnaja pradukcyja (+0,3 % i +1 % adpaviedna) — asabliva pasteryzavanaje i ultrapasteryzavanaje małako, śmiatana, kiefir, śvinina, pielmieni, kuryca.
- Kandytarskija vyraby (+1,5 %) — piečyva, torty, chałva, marmieład, šakaładnyja cukierki, vafli.
- Jabłyki (+8,4 %), kava (+3,6 %), ryba i rybapradukty (+0,51 %) praz padaražańnie impartu.
U toj ža čas patańnieła aharodnina, u siarednim na 5,3 %. Najbolš źnizilisia ceny na biełakačannuju kapustu (—32,7 %), ahurki (—26,5 %), pamidory (—16,3 %), bulbu (—5 %).
Značna ŭ lipieni padnialisia taryfy na paštovyja pasłuhi (pierasyłka prostych listoŭ dla nasielnictva padaražeła na 22,9 %).
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary