Z 15 kastryčnika 2025 hoda ŭsie kiroŭcy, jakija chočuć pierasiačy źniešniuju miažu Łatvii, pavinny buduć zahadzia zarehistravacca ŭ elektronnaj čarzie i zapłacić zbor — 9,3 jeŭra. Novaja sistema zakranaje i pierachod «Paternijeki» na miažy ź Biełaruśsiu («Hryhoraŭščyna» ź biełaruskaha boku).
Zapis u čarhu stanie mahčymy ŭžo z 1 kastryčnika. Ad płaty vyzvalajucca rovary, konnyja ekipažy, aŭtobusy z rehularnymi pasažyrskimi rejsami i niekatoryja inšyja katehoryi transpartu, ale rehistracyja dla ich usio adno abaviazkovaja.
Łatvijski ŭrad tłumačyć novaŭviadzieńnie žadańniem uparadkavać ruch na miažy i skaracić čerhi.
Raniej stała viadoma, što Łatvija płanuje całkam spynić aŭtobusnyja rejsy ŭ Biełaruś i Rasiju, nie padaŭžajučy licenzii pieravozčykam. Na hety momant na biełaruska-łatvijskaj miažy pracuje tolki adzin pierachod — «Hryhoraŭščyna — Paternijeki».
Kamientary