Ź niečakanaj situacyjaj sutyknuŭsia 65‑hadovy bieraściejec. Źviarnuŭšysia ŭ DAI dla ŭniasieńnia źmianieńniaŭ u paśviedčańnie ab rehistracyi transpartnaha srodku, jon atrymaŭ admovu.
Pryčynaj stała niesupadzieńnie identyfikacyjnaha numara na kuzavie z numaram na zavodskaj tabličcy. U pytańni raźbiralisia ekśpierty, paviedamlaje Dziaržaŭny kamitet sudovych ekśpiertyz.
Pry daśledavańni identyfikacyjnaha numara Volkswagen Passat śpiecyjalist ustanaviŭ, što jon źmienieny. Akramia taho, raniejšaja asnoŭnaja zavodskaja tablička na aŭtamabili była vydalena, a na jaje miesca ŭstalavana inšaja, vyrablenaja nie pa technałohii niamieckaha aŭtazavoda.
Ekśpiertu ŭdałosia ŭstanavić pieršapačatkovy identyfikacyjny numar, što dazvoliła adsačyć bijahrafiju aŭtamabila. Akazałasia, što transpartny srodak z adnoŭlenym VIN-numaram ličyŭsia va ŭhonie ŭ Stolinskim rajonie z pačatku 2000‑ch hadoŭ.
Jak adznačajuć ekśpierty, vypadki, kali ŭhnany aŭtamabil znachodzicca na terytoryi toj ža krainy, — vyklučeńnie. Najčaściej karani kryminalnaha aŭtamabila iduć na terytoryju inšych dziaržaŭ.
Ciapier čytajuć
«Piensijanieram dzieci pieraškadžajuć!» U Breście nie pieršy miesiac iduć sprečki nakont miesca dla budaŭnictva dziciačaha sada9
Kamientary