Słučaki aburajucca: škołu abharadzili tak, što dla pachodu ŭ kramu treba rabić ładnaha kruhala
Žychary vulicy Kananaviča ŭ Słucku vielmi niezadavolenyja novaj aharodžaj, jakuju pastavili vakoł siaredniaj škoły №6. Ciapier ich šlach da handlovaha centra «Majak» i ŭ centr horada staŭ značna daŭžejšym, asabliva dla tych damoŭ, što znachodziacca ŭ kancy tupika, a taksama dla pažyłych ludziej i invalidaŭ, piša miascovaje vydańnie SlutskGorod.
Dačka adnoj z žycharak raskazała, što ŭ apošnim domie žyvie čałaviek ź invalidnaściu pieršaj hrupy, da jakoha navat chutkaja dapamoha nie zaŭsiody moža dajechać. Raniej ludzi, idučy da kramy, mahli prajści ŭzdoŭž škoły, ciapier ža im davodzicca abychodzić abharodžanuju terytoryju pa vialikim kruzie, da taho ž kala 400 mietraŭ iści pa hrazi.
Abiedźvie ściežki, što byli raniej, ciapier pierakrytyja — isnuje tolki prachod ad mosta praz rečku Byčok i ad piacipaviarchovak pa vulicy Paryžskaj Kamuny.
Žychary razumiejuć, što škoły pa novych normach pavinny być abharodžanyja, ale ich aburyła toje, što nichto nie paraiŭsia ź imi pierad budaŭnictvam aharodžy i nie ŭličyŭ zručnaść piešachodnaha ruchu, asabliva dla pažyłych ludziej.
Adna z žycharak paviedamiła, što jany źviartalisia ŭ rajvykankam, ale im adkazali, što zrabić darožku ŭzdoŭž rečki niemahčyma z-za vodachoŭnaj zony.
U vyniku 35 žycharoŭ vulicy padpisali kalektyŭny zvarot da staršyni rajonnaha vykanaŭčaha kamiteta z prośbaj zrabić prachod uzdoŭž aharodžy škoły z aśviatleńniem, kab mahčy zručna vychodzić u horad. U zvarocie adznačajecca, što raniejšyja sproby damovicca z dyrektaram škoły i rajvykankamam vynikaŭ nie dali.
U Słuckim rajonie nieviadomyja vykapali tui z mohiłak. I heta nie adzinaja dla ich prablema
«Vyklikajcie sanitaraŭ!» U Słucku piensijanierki apantana vajujuć ź dziciačaj placoŭkaj
U Słucku kamunalniki nie prybirajuć jamu na darozie vakoł luka, bo luk u pryvatnaj ułasnaści
Amal Nieapal. U Słucku śmietnicy pierapoŭnienyja, ale ich nie prybirajuć
Brudnyja śmietnicy ŭ centry Słucka niečakana prybrali
Kamientary