U Kramli paviedamili, na jaki termin Pucin paabiacaŭ Trampu nie bić pa Ukrainie
U Kramli zajavili, što prezident ZŠA Donald Tramp paprasiŭ Rasiju časova spynić udary pa haradach Ukrainy. Pavodle słoŭ pres-sakratara Kramla Dźmitryja Piaskova, Tramp źviarnuŭsia da Uładzimira Pucina z asabistaj prośbaj ustrymacca ad abstrełaŭ Kijeva i inšych ukrainskich haradoŭ na praciahu tydnia — da 1 lutaha. Rasijski bok na heta pahadziŭsia.
Piaskoŭ adznačyŭ, što nibyta meta takoj paŭzy — stvaryć bolš spryjalnyja ŭmovy dla mahčymych pieramovaŭ. Pry hetym jon nie ŭdakładniŭ, ci idzie havorka tolki pra ŭdary pa enierhietyčnaj infrastruktury, ci pra ŭsie vidy abstrełaŭ, skazaŭšy, što da ŭžo ahučanaha jamu niama čaho dadać. Nie daŭ jon uciamnaha adkazu taksama, uvachodzić 1 lutaha ŭ termin maratoryju na ŭdary ci nie.
Na pytańnie žurnalistaŭ, ci sapraŭdy Kreml pryniaŭ prapanovu Trampa, Piaskoŭ adkazaŭ śćviardžalna i padkreśliŭ, što heta byŭ mienavita asabisty zvarot amierykanskaha prezidenta.
Napiaredadni sam Donald Tramp publična raskazaŭ pra svaju prośbu padčas narady ŭ Biełym domie. Jon rastłumačyŭ jaje tym, što va Ukrainie stajać rekordna nizkija tempieratury, i abstreły ŭ takich umovach mohuć mieć asabliva ciažkija nastupstvy. Pavodle słoŭ Trampa, Pucin pahadziŭsia, i heta stała dla jaho pryjemnaj niečakanaściu.
Amierykanski prezident taksama adznačyŭ, što mnohija adhavorvali jaho ad takoha zvarotu, ličačy, što jon nie daść vyniku. Adnak, pa słovach Trampa, prośba była pačutaja, i ŭ ZŠA hetym zadavolenyja.
U toj ža dzień u šerahu rasijskich vajennych telehram-kanałaŭ i ŚMI źjavilisia paviedamleńni pra nibyta dasiahnutaje enierhietyčnaje pieramirje pamiž Rasijaj i Ukrainaj. Adnak Piaskoŭ ad kamientaroŭ na hety kont ustrymaŭsia, zajaviŭšy, što pakul nie moža paćvierdzić abo abvierhnuć takuju infarmacyju.
Zialenski paćvierdziŭ damoŭlenaści ab «enierhietyčnym pieramirji» z Rasijaj
Tramp paprasiŭ Pucina na tydzień spynić abstreły ŭkrainskich haradoŭ
Ukraina i Rasija damovilisia ab maratoryi na ŭdary pa abjektach enierhietyki — rasijskija vajenkary
Rasija pačała vykarystoŭvać va Ukrainie šachiedy, padklučanyja da Starlink. Što viadoma i čamu heta niebiaśpiečna
Zialenski: My nie addamo Danbasa biez boju
Kamientary