Sioleta abiacajuć adkryć paśla rekanstrukcyi «karabiel» — znakamity korpus BNTU
Znakamity 15‑y korpus BNTU, viadomy jak «karabiel», płanujuć adkryć u 2026 hodzie paśla praciahłaj rekanstrukcyi, piša ahienctva «Minsk-Naviny». Budynak kala stancyi mietro «Barysaŭski trakt», uviedzieny ŭ ekspłuatacyju ŭ 1983 hodzie, atrymaŭ svaju mianušku z-za formy, padobnaj da marskoha łajniera (niekatoryja nazyvajuć jaho i «samalotam»).
Pieršapačatkova ŭ hetym korpusie vučylisia studenty inžynierna-budaŭničaha i architekturnaha fakultetaŭ BNTU. Z časam ekspłuatacyja budynka stała prablemnaj: uźnikli ciažkaści z aciapleńniem, vientylacyjaj, eskałatarami i inšymi sistemami. Ramont pačali jašče ŭ 2007 hodzie, ale navučańnie praciahvałasia da 2020‑ha. Paśla hetaha budynak zakryli na kapitalnuju rekanstrukcyju.
Za hety čas zamienienyja draŭlanyja vokny na płastykavyja, uciepleny fasad, abnoŭleny dach, ustalavanaja padśvietka. Zamiest eskałataraŭ, jakija siabie nie apraŭdali, źjavilisia bolš funkcyjanalnyja leśvicy. Upieršyniu prakładzienaja sistema vientylacyi i dymavydaleńnia, madernizavanaja pažarnaja biaśpieka, abnoŭlenyja inžyniernyja i enierhietyčnyja kamunikacyi.
Z kanca 2025 hoda hienpadradčykam stała kampanija «Telekamsuviaźbud». Raboty padzielenyja na dźvie čarhi.
Pieršaja — vaśmipaviarchovaja častka z aŭdytoryjami — hatovaja prykładna na 70—75%. Tut zamianiajuć sistemy aciapleńnia, vientylacyi, słabatokavyja sietki (videanazirańnie, internet, suviaź), staviać padviasnyja stoli i antyvandalnyja ralety, zavoziać novuju meblu i abnaŭlajuć navučalnaje abstalavańnie. Da 1 vieraśnia płanujecca ŭvieści hetuju častku ŭ ekspłuatacyju, kab studenty čatyroch fakultetaŭ viarnulisia siudy z hałoŭnaha korpusa na praśpiekcie Niezaležnaści.
Druhaja čarha — vyšynnaja častka z administracyjnymi pamiaškańniami — hatovaja prykładna na 30%. Tam užo ŭstalavali šeść liftaŭ, častkova praviali kamunikacyi i azdableńnie, praciahvajecca ablicoŭka fasada i mantaž padśvietki. Zaviaršyć usie raboty płanujuć da kanca hoda pry ŭmovie dastatkovaha finansavańnia z respublikanskaha biudžetu.
Kali abiacańni vykanajuć, to ŭ 2026 hodzie «karabiel» znoŭ adkryje dźviery dla studentaŭ i vykładčykaŭ u abnoŭlenym i madernizavanym vyhladzie.
Biełarus zrabiŭ vintažny ramont u 178‑hadovaj kvatery ŭ styli «babušatnik» i robić na joj biznes. Pahladzicie, jak vyjšła
Lichtary jak z 50‑ch, ale sa śviatłodyjodami — na praśpiekcie Niezaležnaści mianiajuć aśviatleńnie
Pad Minskam na miescy byłoha savieckaha pijanierłahiera źjavicca spa-hatel
U Minsku pracujuć amal 60 hatelaŭ. I ich kolkaść pašyrajecca
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny23
Kamientary