Šrek, kaniešnie, ohr. Ale paśla stolkich sieryj možna i adpačyć.
Šrek nazaŭždy (Shrek Forever After)
ZŠA, 2010, kalarovy, 93 chv, 3-D
Režysior: Majk Mitčeł
Žanr: Animacyjna-kazačnyja pryhody
Adznaka: 6 (z 10)
Zialony Šrek, jaki abzavioŭsia ź Fijonaj tryma dzietkami, stamiŭsia ad tłumnaj słavy i siamiejnych kłopataŭ. Dzieci piščać, turysty pnucca za aŭtohrafam, a Kot i Voślik štodzień lezuć u hości. Šrek maryć chacia by dzień pabyć sapraŭdnym złym ohram i zhadžajecca na damovu z chitrym karuźlikam Rumpielšcicchienam. U vyniku niebaraka traplaje ŭ alternatyŭnuju realnaść, dzie karuźlik zachapiŭ usiu ŭładu, na ohraŭ palujuć, a Šrek navat nieznajomy ź lubaj Fijonaj. Na vypraŭleńnie situacyi — sutki.
Apošniaja sieryja pra cielpukavataha vołata demanstruje kryzis ohra siaredniaha vieku, ahałomšvaje pryhodami a-la «Nazad u pryšłaje» i ciešyć starymi hierojami — u novych formach.
Słynny Kot u botach da nieprystojnaści atłuścieŭ, havarki Voślik — schudnieŭ (ale nie zhubiŭ bałbatlivych zdolnaściaŭ), a Fijona zajmieła žaleznuju amunicyju i cełuju armiju ohraŭ-padpolščykaŭ.
Novyja niahodniki — hniusny karuźlik sa zhrajaj viedźmaŭ, što biaskonca tančać na karaleŭskaje dyskatecy. Na ekranie – drobna-naviaźlivaja dyktaturka, pakaranaja hierojami, tradycyjnyja kazačna-fizijałahičnyja žarciki dyj achajnyja ramieśnickija pryhody.
Nie, Šrek, kaniešnie, ohr. Ale paśla stolkich sieryj možna i adpačyć.
Ciapier čytajuć
Za palityku asudzili šmatdzietnaha baćku-viernika. Jaho žonka pamierła dva hady tamu3
Za palityku asudzili šmatdzietnaha baćku-viernika. Jaho žonka pamierła dva hady tamu
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary