Урад Беларусі змяніў правілы мэтавага набору ў вышэйшыя і сярэднія спецыяльныя навучальныя ўстановы. Адпаведную пастанову падпісаў прэм’ер-міністр Аляксандр Турчын.
Цяпер заказаць падрыхтоўку спецыяліста на ўмовах мэтавага навучання могуць:
- дзяржаўныя органы;
- дзяржаўныя арганізацыі;
- арганізацыі, дзе доля дзяржаўнай уласнасці ў статутным фонде складае не менш за 50%;
- іншыя арганізацыі, якія «ўнеслі значны ўклад у развіццё рэгіёна», але толькі па хадайніцтве адпаведнага абласнога або Мінскага гарадскога выканкама.
Для заказчыкаў увялі новыя патрабаванні: трэба будзе абгрунтоўваць неабходнасць падрыхтоўкі спецыяліста і выконваць тэрміны падачы заявак.
Для абітурыентаў, якія жадаюць вучыцца на мэтавых умовах, цяпер абавязковы конкурс як пры падачы дакументаў, так і па выніках уступных унутраных экзаменаў у ВНУ. Таксама ўстаноўленая адказнасць абітурыента і заказчыка за неабгрунтаванае разрыванне дамовы ці невыкананне яе ўмоў.
Дадатковыя змены ўводзяць перавод адміністрацыйных працэдур дзяржаўнай акрэдытацыі ў электронны выгляд і патрабаванне ўключаць у склад камісіі па акрэдытацыі прадстаўнікоў заказчыкаў кадраў.
Крытэрыі ацэнкі ўстановы адукацыі таксама змянілі: доля прафесарска-выкладчыцкага складу з навуковымі ступенямі павінна быць не меншая за 45% замест 40%. Гэтая норма, праўда, пачне дзейнічаць толькі з 1 верасня 2030 года.
Цяпер чытаюць
Анжаліку Мельнікаву бачылі ў Мінску ў «Дана Моле»53
Каментары