U Kiolnie narešcie zmahli ŭručyć pozvu baśnijcu, jakoha nie mohuć departavać 23 hady
Mužčyna žyvie ŭ krainie z žonkaj i vaśmiu dziećmi i atrymlivaje sacyjalnyja vypłaty — kala 7250 jeŭra ŭ miesiac.
U Kiolnie 7 maja pavinien pačacca sud nad 42‑hadovym vychadcam z Bośnii Chuca B., jakoha abvinavačvajuć u machlarstvie. Praces płanavali jašče na śniežań, ale jon sarvaŭsia: pozvu nie zmahli ŭručyć pa miescy pražyvańnia ŭ internacie dla biežancaŭ. Pry hetym listy z centra zaniataści siamji dachodzili, u tym liku paviedamleńni pra vypłaty na dziaciej, piša Bild.
Śledstva ličyć, što mužčyna ŭ troch vypadkach padmanuŭ adnu z papularnych handlovych sietak na sumu ŭ niekalki tysiač jeŭra. Jon admaŭlaje abvinavačańni praz advakata. Raniej Chusa B. padazravali ŭ 147 pravaparušeńniach, a vysłać z Hiermanii jaho pavinny byli jašče 23 hady tamu.
Mužčyna žyvie ŭ krainie z žonkaj i vaśmiu dziećmi i atrymlivaje sacyjalnyja vypłaty — kala 7250 jeŭra ŭ miesiac. Niadaŭna siamji dadatkova ŭchvalili vypłaty na traich dziaciej — jašče bolš za dźvie tysiačy jeŭra.
U 2022 hodzie siamju ŭklučyli ŭ prahramu «Pierśpiektyvy znachodžańnia», niahledziačy na raniejšyja sudzimaści.
Navat u vypadku abvinavaŭčaha prysudu departacyja Chusa B. nie pahražaje: z-za vaśmi dziaciej jon moža zastacca ŭ Hiermanii pa humanitarnych padstavach.
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty49
Kamientary