«Uładar stychij» Najta Šjamałana pavodle animešnaha seryjału.
Uładar stychij (The Last Airbender)
ZŠA, 2010, kalarovy, 103 chv.
Režysior: M.Najt Šjamałan
Roli vykonvajuć: Noa Rynhier, Deŭ Patel, Nikoła Pielc, Džeksan Retboŭn, Šaŭn Toŭb
Žanr: Fentezi
Adznaka: 4 (z 10)
 |
Čatyry narody Vady, Ahnia, Pavietra i Ziamli žyli ŭ zhodzie, pakul ludzi Ahnia z dapamohaj mašynaŭ nie pačali vojny. Ziemli i plamiony akupavanyja. Ale niečakana źjaŭlajecca maleńki chłopčyk — Avatar, zdolny kiravać usimi stychijami. Razam z novymi siabrami hieroj vučycca mahii i stanovicca dušoj paŭstańnia.
Karcina indusa Najta Šjamałana, pastaŭlenaja pavodle anime-seryjału — nudnavata-malaŭničaja fantazija na asnovie budyjskich mifaŭ i mahii.Abrany dzicionak sa zvyšnaturalnym zdolnaściami, bajavyja ahoń i vada, mahija pavietra, čaroŭny cmok u jakaści duchoŭnaha nastaŭnika.
Pryjomy kun-fu, viałyja bojki, čyrvonyja, błakitnyja, zialonyja dekaracyi. Impierska-žaleznyja kaściumy zachopnikaŭ. Čornyja karabli. Mahija ŭ čarhovy raz zmahajecca z technikaj. Avatary iznoŭ iduć u nastup (pieršapačatkova karcina nazyvałasia «Avatar», ale Kemieran apiaredziŭ).
Maleńki hieroj Noa Rynhier atrymaŭ hałoŭnuju rolu, dasłaŭšy režysioru videa z ułasna vykananymi pryjomami tekvando. Hety impetny prykład, badaj, adzinaje, što apraŭdvaje karcinu.
Kamientary