Cana vieniesuelskaj nafty supastaŭnaja z canoj rasijskaj z mytam
Pieršaja vieniesuelskaja nafta kaštavała $656 za tonu, vynikaje sa źviestak Biełstata.
Pavodle źviestak Nacyjanalnaha statystyčnaha kamiteta, Biełaruś u mai 2010 h. impartavała 79,8 tys. ton nafty z krain dalokaha zamiežža pa canie $656 dalaraŭ za tonu. Havorka pra pieršy tankier nafty ź Vieniesueły.
Mienavita ŭ mai nafta ź jaho dasiahnuła Biełarusi. Canu vieniesuelskaj nafty ŭłady spačatku nie raskryvali.
«Kraina kuplaje naftu ŭ Vieniesuele pa dobraj canie. Kali kuplać rasiejskuju naftu z stoadsotkavym mytam, Biełaruś niasie straty, a na vieniesuelskaj nafcie — vyjhraje. Na nafcie, jakuju my pryvieźli ź Vieniesueły, my zarabili, heta plus, a nie minus», — skazaŭ litaralna dva tydni tamu pieršy
Dla paraŭnańnia košt impartavanaj z Rasii nafty, pavodle dadzienych Biełstata, skłaŭ $398 za tonu. Pakul niajasna, jakaja dola ź jaje była atrymana na biazmytnaj asnovie, a jakaja — z vypłataj mytaŭ.
Usiaho Biełaruś maje patrebu ŭ 20 młn ton nafty štohod. Rasija pastaŭlaje 6 młn ton na biazmytnaj asnovie.
Siaredniaja cana biazmytnaj nafty rasijskaj nafty ŭ minułym hodzie składała 256 dalaraŭ za tonu. Sioleta hetaja cana vyrasła ŭ suviazi z ahulnym rostam cenaŭ na naftu.
Pamier ekspartnaha myta ŭ Rasii mianiaŭsia: na praciahu pieršaha paŭhodździa jano składała 267–292 dalary za tonu. Z 1 lipienia myta źnižana da 248 dalaraŭ za tonu.
U cełym siaredniaja ekspartnaja cana na naftu «Urał» u Rasii składała ŭ studzieni 522 dalary, u krasaviku 547 dalaraŭ.
Značyć,
«mytnuju naftu» Biełaruś u Rasii zakuplała ŭ siarednim za 500–550 dalaraŭ za tonu — ličba, supastaŭnaja z canoj vieniesuelskaj, kali ŭličyć, što «Santa Barbara» daražejšaja marka, čym tanny «Urał».
Pavodle damoŭlenaściaŭ Alaksandra Łukašenki i Uha Čaviesa, Minsk płanuje zakupić u Karakasa 4 miljona ton nafty ŭ 2010 hodzie i 10 miljonaŭ ton — u 2011 hodzie.
Vieniesuelskaja nafta budzie pastaŭlacca tankierami ŭ Adesu j Estoniju, a adtul — čyhunkaj da Mazyra. U 2010 hodzie maje być pastaŭlena 4 młn t. U
Kali prajekt udasca ažyćciavić, upieršyniu budzie dasiahnutaja dyviersifikacyja krynicaŭ pastavak enierhanośbitaŭ u Biełaruś. Da apošniaha času Biełaruś zastavałasia krainaj, jakaja tatalna zaležyć ad pastavak vuhlevadarodaŭ z Rasii. Pavodle standartaŭ ES, kraina nie pavinna atrymlivać ad adnaho pastaŭščyka bolš za tracinu abjomu spažyvanych enerhanośbitaŭ.
Ciapier čytajuć
Kadebešniki telefanujuć biełarusam u emihracyi praź ich siabroŭ — čaho chočuć?13
Kamientary