Rekłamny rolik zabojnaha «Mačete» Radryhies zrabiŭ za try hady da samoj karciny.
ZŠA, 2010, kalarovy, 105 chv.
Režysiory: Robiert Radryhies, Etan Manikus
Roli vykonvajuć: Deni Trecha, Robert De Nira, Džesika Alba, Styvien Sihał, Mišel Radryhies, Lindsi Łochan
Žanr: Kryminalny bajavik
Adznaka: 7,5 (z 10)
Padčas zamachu na sienatara-ksienafoba najmit Mačete zaŭvažaje, što sam na prycele. Cudam paźbiehnuŭšy śmierci, hieroj pačynaje palavać za niahodnikami, jakija jaho padstavili. Siarod vorahaŭ — i złydni, jakija niekali zabili žonku Mačete. Pomsta hieroja budzie chutkaj i vostraj.
Rekłamny rolik «Mačete» źjaviŭsia za try hady da samoj karciny.U sumiesnym prajekcie Taranciny i Radryhiesa «Hrajndchaŭs» byli pakazany roliki niaisnych filmaŭ. «Mačete» ačolvaŭ kalekcyju. Za try hady sinefilski žart, jaki abyhryvaŭ krutyja bajeviki 70-ych hadoŭ, abros kryvioju i miasam.
«Miasa», darečy, u hetym filmie chapaje. Rubaka Mačete (Deni Trecha) ścinaje ruki, nohi i hałovy błahich chłopcaŭ z kinošnaj nachabnaściu i kruciznoj. Zubadrabilnyja sceny — adna za adnoj, pryhažuni z kulamiotami i miedsiaściorki z hranatami — na bajavych padtancoŭkach.
Karcina ŭžo pakazana na novaadčynienym Vieniecyjanskim feście pa-za konkursam. Idealnaja stužka dla sarakahadovych padletkaŭ i kinamanaŭ.
Ciapier čytajuć
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha123
Kamientary