Reformy ŭ Biełarusi spatykajucca ab padatki

Miarkujučy pa apublikavanych siońnia vynikach daśledvańnia Doing Business 2011, bravurny libelizacyjny krok biełaruskich uładaŭ spatyknuŭsia ab padatkaabkładańnie. Mienavita pa hetym jaskrava niaŭdačnym pakazčyku najbolš čakalisia choć niejkija palapšeńni, jakich tak i nie adbyłosia.

Biełaruś była i zastajecca krainaj z najhoršaj u śviecie padatkovaj systemaju.

Pavodle Ŭsiaśvietnaha banku, poŭnaja staŭka padatkaŭ u Biełarusi składaje nievierahodnyja 80,4% ad prybytku ŭ paraŭnańni z 43% u raźvitych krainach i asabliva 41,2% u krainach Uschodniaj Eŭropy i Centralnaj Azii. Da hetaha dadajecca kolkaść času, jaki pradprymalniki vymušanyja tracić na vypłatu padatkaŭ (798 hadzin u hod u paraŭnańni z u siarednim 313,9 h. u inšych krain našaha rehijona) ci kolkaść płaciažoŭ (82 suprać 41,7 u susiedziaŭ).

Pryjarytetam dla ŭładaŭ zastajecca napaŭnialnaść biudžeta i finansavańnie niepadjomnych sacyjalnych prahramaŭ — a značyć jana budzie praciahvać vyciskać soki z praduktyŭnaj častki hramadztva, to bok z pradprymalnikaŭ. A značyć, što namieciŭsia peŭny psychalahičny (ci nia vielmi psychalahičny) barjer na šlachu reformaŭ.

Paŭnavartasnaja liberalizacyja razumieje pad saboju skaračeńnie dziaržaŭnaha ŭmiašalnictva ŭ žyćcio krainy, što, padobna, jaŭna supiarečyć ładu myśleńnia siońniašnich biełaruskich čynoŭnikaŭ.

Nia tak składana skasavać administratyŭnyja pieraškody dla narmalovaha viadzieńnia pradprymalnickaj dziejnaści: spraścić praceduru rehistracyi biznesa, licenzijavańnie, spravazdačnaść. Mienavita koštam hetych rečaŭ biełaruskija reformy atrymoŭvali dobryja acenki ŭ minułyja paru hadoŭ. Ciapier hety "resurs dla ŭdaskanaleńnia" vyčarpany, i źjaŭlajecca barjer: kudy składaniej admaŭlacca ad lišnich pastupleńniaŭ u dziaržaŭny skarb, dla čaho daviadziecca adpaviedna skaračać dziaržaŭnyja vydatki, ad pensij elektaratu da finansavańnia siłavych strukturaŭ.

Tamu ŭ nastupnym hodzie vialikaha prahresa čakać nie davodzicca. Chutčej za ŭsio dziaržava mienavita što spraścić praceduru padatkaabkładańnia, skaracić kolkaść padatkaŭ i peryjadyčnaść ich uzymańnia, ale ŭ finansavym vymiareńni padatkovy pres na ekanomiku naŭrad ci istotna ablehčycca.

Na samoj ža spravie naviadzieńnie paradka ŭ padatkovaj systemie mocna nazreła.

Ekanomika Biełarusi nie nahetulki raźvitaja, kab dziaržava mahła dazvalać sabie brać vialikija padatki z hramadzian,

• 0
• 0
• 0
• 0
• 0
• 0
• 0
• 0