Łukašenkaŭskija prapahandysty rychtujuć hramadskuju dumku da zabarony na vyjezd
«Čym mieniej jany buduć byvać na Zachadzie, tym budzie lepš».
Jość padstavy dla zabarony na vyjezd niekatorych biełaruskich hramadzian, čyja dziejańni za miažoj pravakujuć kanflikty i nanosiać škodu nacyjanalnym intaresam Biełarusi. Pra heta zajavili łukašenkaŭskija prapahandysty ŭ efiry Pieršaha nacyjanalnaha telekanała 14 maja.Ichnyja zajavy raspaŭsiudziła taksama ahienctva BIEŁTA.
«Niekatoryja pradstaŭniki tak zvanaj apazicyi da 40 razoŭ, a mo i bolej, vyjazdžajuć za miažu, atrymlivajuć tam hatoŭkaj hrošy na svajo ŭtrymańnie i viaduć takoje biaźbiednaje isnavańnie», — adznačyŭ redaktar časopisa «Biełaruskaja dumka» Vadzim Hihin. Pryčym ludzi hetyja ŭ Biełarusi ničoha ź siabie nie ŭjaŭlajuć, ličačy siabie pravaabaroncami, hrymieŭ jon.
«Abmiežavańnie dla ich vyjezdu ź Biełarusi budzie raznaznačnaje ich palityčnamu samahubstvu i faktyčna poŭnaj izalacyi», — kaža jon.
Na dumku kalehi Hihina pa «partyi», Siarhieja Musijenki, «u toj čas jak mnohija biełaruskija ministerstvy, viedamstvy nakiroŭvajuć svaje vysiłki na toje, kab naładzić adnosiny ź Jeŭrapiejskim Sajuzam, zrabić imidž krainy pazityŭnym, u hetych ludziej inšyja zadača. Tamu čym mieniej jany buduć byvać na Zachadzie, tym, napeŭna, budzie lepš dla imidžu krainy».
Varta adznačyć, što praŭnych asnovaŭ dla abmiežavańnia pieramiaščeńnia asobnych hramadzianaŭ niama. Heta značyć, što takoje rašeńnie moža być pryniataje tolki ŭ parušeńnie pravoŭ čałavieka.
Kali vyjezd na miažu budzie zabaronieny kamuści adnamu, to heta moža być zroblena i ŭ dačynieńni da kožnaha inšaha hramadzianina.
Ciapier čytajuć
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu8
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu5858
Kamientary