Лукашэнкаўскія прапагандысты рыхтуюць грамадскую думку да забароны на выезд
«Чым меней яны будуць бываць на Захадзе, тым будзе лепш».
Ёсць падставы для забароны на выезд некаторых беларускіх грамадзян, чыя дзеянні за мяжой правакуюць канфлікты і наносяць шкоду нацыянальным інтарэсам Беларусі. Пра гэта заявілі лукашэнкаўскія прапагандысты ў эфіры Першага нацыянальнага тэлеканала 14 мая.Іхныя заявы распаўсюдзіла таксама агенцтва БЕЛТА.
«Некаторыя прадстаўнікі так званай апазіцыі да 40 разоў, а мо і болей, выязджаюць за мяжу, атрымліваюць там гатоўкай грошы на сваё ўтрыманне і вядуць такое бязбеднае існаванне», — адзначыў рэдактар часопіса «Беларуская думка» Вадзім Гігін. Прычым людзі гэтыя ў Беларусі нічога з сябе не ўяўляюць, лічачы сябе праваабаронцамі, грымеў ён.
«Абмежаванне для іх выезду з Беларусі будзе разназначнае іх палітычнаму самагубству і фактычна поўнай ізаляцыі», — кажа ён.
На думку калегі Гігіна па «партыі», Сяргея Мусіенкі, «у той час як многія беларускія міністэрствы, ведамствы накіроўваюць свае высілкі на тое, каб наладзіць адносіны з Еўрапейскім Саюзам, зрабіць імідж краіны пазітыўным, у гэтых людзей іншыя задача. Таму чым меней яны будуць бываць на Захадзе, тым, напэўна, будзе лепш для іміджу краіны».
Варта адзначыць, што праўных асноваў для абмежавання перамяшчэння асобных грамадзянаў няма. Гэта значыць, што такое рашэнне можа быць прынятае толькі ў парушэнне правоў чалавека.
Калі выезд на мяжу будзе забаронены камусьці аднаму, то гэта можа быць зроблена і ў дачыненні да кожнага іншага грамадзяніна.
Цяпер чытаюць
Няўдалае тэхнічнае рашэнне дорага абышлося арганізатарам галасавання ў Каардынацыйную раду6
Каментары