Ułady ZŠA znajšli vinavatych u finansavym kryzisie: padtasoŭvali infarmacyju
Da adkaznaści pryciahnuć JP Morgan Chase i Royal Bank of Scotland.
Fiederalny rehulatar ZŠA vyśviatliŭ, što JP Morgan i Royal bank of Scotland padavali zahadzia niepraŭdzivuju infarmacyju ab ipatečnych ablihacyjach, cana jakich paśla abvaliłasia. Ryzyki apynulisia niedaacenienyja ŭ dziasiatki razoŭ. Nastupnym adkazčykam moža stać Goldman Sachs. A ci chto adkaža za finansavy kryzis u Biełarusi, jaki taksama, imavierna, raspačaŭsia ad taho, što publikavałasia «padfarbavanaja» infarmacyja pra ekanamičnyja pakazčyki i finansavy stan dziaržavy?
Fiederalny rehulatar ZŠA — Nacyjanalnaje ŭpraŭleńnie kredytnych sajuzaŭ (NCUA) — choča pryciahnuć da adkaznaści za finansavy kryzis banki JP Morgan Chase i Royal Bank of Scotland (RBS). Dva hramadzianskija pazovy byli padadzienyja ŭ paniadziełak u akruhovy sud Kanzas Sici, paviedamlaje hazieta The Wall Street Journal. Jak śćviardžaje NCUA, hetyja banki uciahnuli piać kredytnych sajuzaŭ u ZŠA ŭ kuplu ipatečnych kredytaŭ, jakija paźniej apynulisia «drennymi», na ahulnuju sumu $ 3 młrd. Kałaps piaci najbujniejšych sajuzaŭ paciahnuŭ za saboj prablemy va ŭsim siektary, «vynikam staŭ samy žorstki finansavy kryzis va ŭsioj historyi kredytnych sajuzaŭ», — adznačyŭ staršynia NCUA Debi Mac.
«My spadziajemsia, što ŭsie źviony łancuha paniasuć adkaznaść, uklučajučy anderrajtaraŭ i pasiarednikaŭ», — zajaviŭ jon.
Kredytny sajuz — heta pašyranaje ŭ Amierycy abjadnańnie fizičnych i jurydyčnych asob, jakoje stvarajecca dla akumulavańnia hrašovych srodkaŭ i ŭzajemnaha kredytavańnia.
Banki padavali «niapeŭnuju infarmacyju ab istotnych faktach ci chavali ich», parušajučy fiederalnaje zakanadaŭstva i zakony asobnych štataŭ, vyśvietliła NCUA paśla hoda rasśledavańniaŭ.
U Biełarusi ŭ vyniku devalvacyi rubla nasielnictva i pradpryjemstvy stracili ŭ pieraliku na dalary kala $1,5 miljarda. Pry hetym doŭhi čas pradstaŭniki dziaržaŭnaj ułady zapeŭnivali, što razavaja devalvacyja vyklučanaja, a aficyjnaja statystyka była ružovaj: rost VUP zaškalvaŭ, padzieńnie zołatavalutnych reziervaŭ nie było fatalnym.
Ciapier čytajuć
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu12
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu6060
Kamientary