Vinšavańni

 Vinšavańni

Darahija “našaniŭcy”!

ja budzie pierabolšańniem skazać, što biełaruskaja nacyjanalnaja peryjodyka pačynałasia dvojčy: u 1906 h., kali ŭpieršyniu vyjšła “Naša Niva”, i ŭ 1991 h., kali vychad “Našaj Nivy” adnaviŭsia.

Usio minułaje dziesiacihodździe hazeta niaspynna raźvivałasia: ad časopisu ŭ hazetnym farmacie, aryjentavanaha na nacyjanalna śviedamuju elitu, da značna bolš demakratyčnaha štotydniovika, jaki aperatyŭna adhukajecca na biahučyja padziei. Adnak uvieś hety čas hazeta pa svaim śvietahladzie niaźmienna zastavałasia BIEŁARUSKAJU. Ciaham dziesiacihodździa z “Našaj Nivy” vyjšaŭ šerah prafesijna zahartavanych žurnalistaŭ. Siarod ich – aŭtary časopisaŭ “Arche”, “Kałośsie”, “Frahmenty”, radyjo “Svaboda”, “Racyja”, “Bałtyjskija chvali”, hazetaŭ “Biełaruskaja maładziožnaja”, “Viciebski kurjer”, “Navinki”, “BDH”.

Ščyra vinšujem Vas ź jubilejem i žadajem plonu ŭ pošukach NAŠAJE BIEŁARUSI!

Praŭleńnie Biełaruskaj Asacyjacyi Žurnalistaŭ

Usim viadoma,

što prajekt «pieršaj NN» paŭstaŭ u 1906 h. z prajektu hazety «Svaboda», praisnavaŭ amal dzieviać hadoŭ i ŭrešcie daŭ plonam 25 Sakavika.

Na ŭsiu prahramu spatrebiłasia 11 hadoŭ i try miesiacy.

Hetaksama ŭsim viadoma, što «druhaja NN» volaju jejnych tvorcaŭ paŭtarała pačatny šlach pieršajež: uźnikła z adnoŭlenaje «Svabody», hieahrafična j mentalna atajasamiłasia ź Vilniaju. Ale — užo pierasiahnuła časavyja miežy isnavańnia, nakinutyja «pieršaju NN».

Voś ža ŭ našaniŭskaje dziesiacihodździe zyču darahim našaniŭcam dy ŭsim nam:

— kab «NN» była viečna, bo “Naša Niva” jość synonimam žyvoje, dynamičnaje, raźvićciovaje biełaruščyny;

— kab ład 25 Sakavika tryjumfalna ŭstalavaŭsia ŭ našaj krainie raniej za termin, nakanavany «pieršaju NN».

Vincuk Viačorka, Staršynia BNF “Adradžeńnie”

Arhanizacyja «Kraj» vinšuje

kalektyŭ redakcyi «Našaj Nivy» z 10-j hadavinaj adnaŭleńnia hazety.

«Naša Niva» jadnała biełaruskich nacyjanalistaŭ, pryščaplała im nacyjanalnyja kaštoŭnaści, była adzinym biełaruskim hołasam siarod chłuśni i brudu varožaj prapahandy. My pierakananyja ŭ tym, što «Naša Niva» i ŭ budučyni budzie ćviorda trymacca nacyjanalnych pryncypaŭ u adlustravańni siońniašniaj biełaruskaj rečaisnaści.

Zyčym vam pośpiechaŭ i plonu ŭ pracy na karyść našaj Baćkaŭščyny!

Žyvie Biełaruś! Žyvie viečna!

Spartova-Patryjatyčnaja Arhanizacyja “Kraj”

“Naša Niva” – heta svaboda

“Naša Niva” daje kaardynaty normy.

Takuju funkcyju ŭ sučasnym svabodnym hramadztvie vykonvajuć demakratyčnyja instytuty, škoła, carkva.

“Naša Niva” śćviardžaje hijerarchiju kaštoŭnaściaŭ. Tradycyjna — heta zadača maralnaj, intelektualnaj, tvorčaj elity.

“Naša Niva” trymaje nacyjanalnuju perspektyvu. Zvyčajna — heta rola dziaržavy.

“Naša Niva” dapamahaje zastavacca svabodnym. Budučynia — za svabodaj i “Našaj Nivaj”.

Alaksandar Łukašuk, dyrektar Biełaruskaje słužby Radyjo Svaboda

10 uradžajaŭ

noŭku ŭzaranaje našaniŭskaje pole, na jakim užo 10 hadoŭ siejuć i źbirajuć uradžaj.

Ź dziesiaci ŭradžajnych hadoŭ “Našaje Nivy” karmiłasia ŭsia Biełaruś.

Našaniŭski ŭmałot – heta pakaleńnie mitynhaŭ i NRM, Narodnaha Albomu j kołasaŭskaha liceju, samvydataŭskaha druku i Maładoha Frontu (mienavita “Naša Niva” — samaje papularnaje siarod maładafrontaŭcaŭ vydańnie). Zrešty, “Naša Niva” — užo daŭno nie hazeta. Heta takaja miaścina. Čytačom ja byvaju ŭ “Našaje Nivy” štodnia. Inšym razam zachodžu na staronki i ŭ jakaści aŭtara. Abaviazkova hladžu na nadpisy, abviestki, jakija pakidajuć inšyja naviedniki. Za 10 hadoŭ mnie davodziłasia tut sioje-toje siejać. Inšaje ŭpała pry darozie — natatki, refleksii, litaraturščyna. Inšaje ŭpała ŭ ciarninu — palityka, repartažy, słoŭnaja sumiatnia. A inšaje ŭpała na dobruju ziamlu. Dahetul mnie zhadvajuć niekalki artykułaŭ: “Bratu”, “Novaja era Maładoha Frontu”, “Bieł-čyrvona-bieły ściah Chrysta”. Mnie pryjemna i pracavać, i maryć u “Našaj Nivie”. Adno škada: nia tak užo j časta, jak chaciełasia b. Vinšuju redakcyju, čytača i ŭsiu krainu. Rodzić Naša Niva — značyć, žyvie Biełaruś!

Pavał Sieviaryniec, staršynia Maładoha Frontu

TBM

ščyra vinšuje Vas z 10-j hadavinaj adradžeńnia hazety.

Vychodziačy ŭ nadzvyčaj ciažkich umovach, Vy zdoleli nia tolki zachavać, ale i raspaŭsiudzić siarod moładzi sapraŭdny duch biełaruščyny i eŭrapiejskuju mentalnaść, jakich tak nie staje ciapier šmat jakim inšym niezaležnym vydańniam. Tamu prymicie najlepšyja pažadańni i zyčeńni. Tolki razam my pieramožam! Žyvie Biełaruś!

Staršynia TBM Aleh Trusaŭ