Сёння ў Гродне а 18.00 у галерэі «Крыга» адкрываецца выстава гарадзенскага мастака Андрэя Філіповіча «Горад Святога Губерта». Выстава дасць старт грамадскаму святкаванню Дзён Святога Губерта, патрона Гродна, святу якое грамадскасць горада адзначае ўжо шосты год запар.
Сёлета Дні Святога Губерта ў Гродне будуць доўжыцца амаль месяц.
9-10 лістапада пройдзе VI міжнародная навуковая канферэнцыя «Гарадзенскі соцыум: гісторыя і памяць», удзел у якой возьмуць больш 30 навукоўцаў з Беларусі, Польшчы і Літвы. Канферэнцыя прысвечана памяці гісторыка, даследчыка Гародні, аднайго з айцоў беларускага адраджэнскага руху Міхася Чарняўскага (1938-2013).
На 9 лістапада запланавана цырымонія ўручэння ІІ-й Узнагароды імя Юзафа Ядкоўскага. Узнагарода была заснавана ў 2012 годзе прадстаўнікі навуковай і творчай інтэлігенцыі Гродна.
Узнагарода ўручаецца асобам, творчая дзейнасць якіх паспрыяла вывучэнню і папулярызацыі гарадзенскай мінуўшчыны, а таксама захаванню прыроднай і гісторыка-культурнай самабытнасці Гародні і рэгіёну. І-й Узнагародай імя Юзафа Ядкоўскага быў уганараваны вядомы гарадзенскі краязнавец і педагог Алесь Госцеў.
У праграме гарадзенскіх Дзён Святога Губерта сёлета таксама выставы, канцэрты, прэзентацыя «Гарадзенскага каляндара-2014», падвядзенне вынікаў агульнабеларускай фотаакцыі «Магія дзікай прыроды».
Цяпер чытаюць
Хто забараняе ў Беларусі кнігі — вось гэтыя 22 чалавекі6
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары