Такога вы яшчэ не бачылі: ФОТЫ гамельчука, які зняважыў беларускую мову
У суполцы Укантакце папулярнага гомельскага сайта «Моцныя навіны» была змешчаная апытанка: «Якая галоўная мова гамельчукоў?» У варыянтах прапаноўвалася беларуская, руская і трасянка. Абмеркаванне атрымалася дастаткова жывым, на некалькі сотняў каментароў.
Асаблівую ўвагу прыцягнуў нехта Васіль Варушчанка, які напісаў: «Беларуская мова — гэта труп, які гніе, яго пара ўжо закапаць як мага глыбей. Так лічу». З рускай мовай аўтар таксама не дужа ў ладах, чаго варта напісанне «порабы».
Натуральна, многія зацікавіліся, што гэта за чалавек, які параўновае мову з трупам. Са старонкі Васіля Укантакце вынікае, што ён раней працаваў у дэпартаменце аховы Міністэрства ўнутраных спраў. Цяпер месца працы пазначанае ў яго як «ху…ы хлопец».
У фотаздымках Васіля чаго толькі няма. Асабліва багата нецэнзурнай лексікі, якой ён шчодра сыпле ў каментарах.
Чаго варты толькі здымак з подпісам «Мама, твой сын вырас бандытам», на якім адлюстроўваюцца пісталет, бэдж супрацоўніка МУС, фуражка, патроны, свісток, прэзерватывы, дробныя купюры, іконка, таблеткі, ірыскі і нейкае белае рэчыва.
І гэта не адзінае, чым адзначаецца Варушчанка. Ёсць фота, дзе хлопец палохае зброяй… ката!
На гэтым фоне закінутыя на стол суддзі ў адміністрацыйным будынку ногі падаюцца бязвінным жартам. А яшчэ ёсць фотаздымкі, дзе ён пераадзяваецца ў жаночае адзенне. І шмат чаго яшчэ.
Галоўным у жыцці Васіль Варушчанка ў сацыяльных сетках пазначыў «самаразвіццё».
P.S. Прэс-служба Дэпартамента аховы МУС адрэагавала на публікацыю.
«Гэты чалавек не з’яўляецца супрацоўнікам органаў унутраных справаў. У 2013 годзе ён быў звольнены і ў дадзены момант не мае ніякага дачынення да Дэпартамента аховы!» — напісала старшы інспектар аддзялення інфармацыі і грамадскіх сувязяў Дэпартамента аховы МУС Алена Гоман.
-
Антаніна Канавалава расказала, як яе прымушалі падпісаць прашэнне пра памілаванне
-
«Я першамайскае быдла і ліміта, базару нуль. Але блізкі да цэнтра прыняцця рашэнняў». Што Тур піша пад псеўданімам у «экстрэмісцкім» чаце
-
«Хапай яе за азадак, зацягні ў туалет». У Варшаве заявілі ў пракуратуру на пікап-трэнера з Беларусі Алекса Леслі
«Я першамайскае быдла і ліміта, базару нуль. Але блізкі да цэнтра прыняцця рашэнняў». Што Тур піша пад псеўданімам у «экстрэмісцкім» чаце19
Каментары